Burela 6-4-19. A escuadra laranxa saíu triunfal dunha final máis, impoñéndose ao Córdoba Futsal (1-3). Con esta vitoria, os de Juanma Marrube rozan o soño, con vantaxe de 9 puntos e a falta de 3 xornadas, sobre Mengíbar, que gañou a Santiago Futsal (4-5), e Betis, que sucumbiu na pista do Noia Portus Apostoli (5-2). Agora a seguir picando pedra, toca pensar no vindeiro sábado, coa visita á Bomboneira dos de Noia (17.00 horas), nunha nova Tarde Laranxa, que se pechará co duelo no cume de Primeira Liga Foro 16 Feminismo entre o Pescados Rubén Burela FS e o Futsi Atlético de Madrid (19.30 horas).
Arrincaron tatexantes os mariñáns, pero aos poucos conseguiron ir impoñendo a orde que os caracteriza para dar a volta ao electrónico. R. Vargas puido adiantar os galegos nos minutos 4 e 6, con moito perigo. No entanto, Lolo Jarque inaugurou no minuto 9, nunha situación dun contra un, que finalizou o xogador local ao segundo pau. Jesús Rodríguez viu a expulsión no minuto 18, coa segunda amarela. Renato non puido igualar a contenda en dobre penalti pero si o fixo pouco despois Joselito, en superioridade, para oír a chegada do descanso con 1-1.
O Pescados Ruben Burela FS deu un paso adiante no reinicio, con boa xestión de pelota. Iago Míguez anotou o segundo para os de Juanma Marrube, no minuto 26, nunha boa xogada de Porto. Edu mantívose impertérrito para salvagardar a renda ante Keko e David Leal e máis tarde conn Juanra. Superado o ecuador, Renato aproveitou en contragolpe para ampliar distancias. Tan só un minuto despois, o traveseiro evitou o segundo andaluz e entón o Córdoba apostou por xogo de cinco, respondendo da mesma forma os galegos, en alternancia e xerando moito perigo. Ambas as escuadras puideron mover o luminoso, pero mantívose o 1-3 para xúbilo laranxa.
Ficha técnica
Córdoba Futsal: Nono, Jesús Rodríguez, Lolo Jarque, David Leal, Keko, cinco inicial; tamén xogaron Pakito, Manu Leal, Koseky, Cordero, Juanra, Catiti
Pescados Rubén Burela FS: Edu, Iago Míguez, Renato, Pope, Hélder, cinco inicial; tamén xogaron Joselito, Lucho, Luisma, R. Vargas, Juanfran, Porto
Goles: 1-0, minuto 9, Lolo Jarque; 1-1, minuto 20, Joselito; 1-2, minuto 26, Iago Míguez; 1-3, minuto 31, Renato
Árbitros: Fernández Cárdenas // Jarque Ruiz (colexio madrileño). Por Córdoba amarela a Cordero (minuto 3), Jesús Rodríguez (minuto 11 e 18), Cristian (minutos 19 e 20), Keko (minuto 34), Lolo Jarque (minuto 34). Por Burela amarela a Hélder (minuto 2)
Incidencias: Partido correspondente á xornada 27 de Segunda LNFS disputado en Vista Alegre (Córdoba)
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
