Viveiro 9-4-19. A organización frontista acordou por unanimidade que o que fora o seu Portavoz na corporación municipal de Viveiro no ano 79, tenente de alcalde e concelleiro de cultura, Francisco Luis Rodríguez Guerreiro, ocupe o posto 20 da lista da candidatura, pechando así a mesma, xunto cos seus compañeiros de goberno durante o bipartito, Xosé Antonio Goás Basanta, que asumira a responsabilidade da concellería de deportes, e que ocupará o posto 19, e César Naval Parapar, que estivera ao fronte da concellería de comercio e turismo, e que irá no posto 17. Os tres ex-concelleiros históricos amosaron a súa satisfacción de poder acompañar no comezo desta nova e ilusionante etapa do nacionalismo de Viveiro, á candidata do BNG á alcaldía, Miriam Bermúdez, e de pasarlle o testemuño ao novo grupo municipal do BNG que vaia sair das eleccións municipais de maio.
A candidatura que ven de aprobar o BNG é unha candidatura plural e feminista que integra a xente independente, composta por persoas de diferentes sectores (educativo, servizos sociais, autónomos, industria, admón local, etc.), que abarca múltiples ámbitos (cultural, deportivo, estudantil, social, etc.) e un grande abano de idades, sumando así experiencia e veteranía con mocidade e entusiasmo para dar o mellor de cadaquén polo seu concello. Unha candidatura que ten o corazón e a mente posta en Viveiro,disposta a traballar para transformar a súa vila nun modelo de concello na que a veciñanza poda desenvolver o seu proxecto de vida sen verse na obriga de buscar o seu futuro lonxe da súa terra, asegurou a cabeza de lista e actual vicerresponsábel do BNG, Miriam Bermúdez.
A presentación dxs membros da candidatura do BNG realizarase nun acto conmemorativo do 40ª aniversario da primeira corporación municipal despois da dictadura, que está a preparar a organización nacionalista e que se celebrará nas vindeiras semanas.
Por último a candidata á alcaldía, Miriam Bermúdez, anima á veciñanza a sumarse ao proxecto do BNG para impulsar e transformar o concello de Viveiro e afirma que, nestas últimas semanas de xuntanzas e contactos coas veciñxs de Viveiro foron moitas as persoas que lles amosaron o seu apoio e a súa disposición para colaborar no proxecto de transformación de Viveiro, no cal está a traballar a organización nacionalista.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
