LUGO .- Unha delegación de 92 corredores en idade escolar representarán á provincia de Lugo no campionato galego de campo a través promovido pola Xunta dentro do programa Xogade. Na competición, que se desenvolverá o próximo sábado no circuíto habilitado na localidade coruñesa da Pobra do Caramiñal, tomarán parte en concreto 12 equipos, todos eles compostos por seis atletas, e 20 deportistas que conseguiron a súa clasificación de xeito individual na final da fase provincial promovida pola Delegación Territorial de Lugo.
A representación lucense abrangue as seis categorías en liza (alevín feminina e masculina, infantil feminina e masculina e cadete feminina e masculina). Os participantes deberán recorrer distancias que van dos 1.500 metros (en categoría alevín feminina) e os 5.000 metros en cadete masculina.
No tocante a representación, dentro do colectivo que se desplazará ao campionato tras lograr o pase nas competicións organizadas polo servizo de Deportes da Delegación Territorial de Lugo, destacan o San Fernando Lucus Caixa Rural (con catro equipos e dous atletas clasificados de xeito individual), o Club Franciscanos de Lugo (catro equipos e un atleta clasificado de xeito individual), a Agrupación Deportiva San Roque de Viveiro (un equipo e dous corredores de xeito individual) e o Ceip Santa Rita (un equipo e dous corredores clasificados de xeito individual).
Os representantes lucenses nas distintas categorías son:
| Categorías | Equipos clasificados | Individual |
| Alevín feminina | Club Franciscanos
Colexio Martínez Otero |
Ángela Cacharrón e Lucía López (SF Lucus Caixa Rural), Clara Díaz (Ceip Santa Rita), María Calvo (Concello de Guitiriz), Lorena Iglesias (Fefeme Triatlón Miño) |
| Alevín masculina | Club Franciscanos
SF Lucus Caixa Rural |
Bruno Rodríguez (A Gándara), Germán Fernández (PP Escolapios), Iago López (EDM Castro de Rei), Rubén Castro (ED O Valadouro) |
| Infantil feminina | Martínez Otero-Celtas
Club Franciscanos |
Inés Blanco (Triscos-San José), Aroa Freije (Fefeme Triatlón Miño), Saleta Fernández (A Gándara), Julia Peláez (AD San Roque de Viveiro) |
| Infantil masculina | Club Franciscanos A
Ceip Santa Rita |
Alejandro Vázquez (CP La Merced), David Diéguez (ED Chantada), Noé Vila (Club Franciscanos B) |
| Cadete feminina | SF Lucus Caixa Rural A
SF Lucus Caixa Rural B |
Eva Basanta (Fefeme Triatlón Miño), Tania López (AD San Roque de Viveiro) |
| Cadete masculina | SF Lucus Caixa Rural
AD San Roque de Viveiro |
José Hermida (ED Lourenzá), Miguel Sánchez-Andrade (Fefeme Triatlón Miño) |
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
