Xove 27-4-19. O Bloque Nacionalista Galego xovense vén de presentar a súa candidatura para as vindeiras eleccións municipais de maio.
O cabeza de lista declarou que, ante a ausencia dun proxecto político claro do PP local, “é a hora da ideoloxía, é tempo de saber onde estamos e decidir cara a onde queremos camiñar”.
Hermida, que se estrea como número un, quixo destacar que o proxecto do BNG para Xove está impulsado por persoas formadas e humildes. “Somos xente que realmente queremos mudar as cousas, pero sobre todo temos un equipo cohesionado, con iniciativa e capacidade de xestión”, manifestou o candidato á alcaldía.
O Bloque presentou unha candidatura ilusionante, coa presenza de xente experimentada na política municipal e con dúas valiosas incorporacións ao novo equipo titular: Miguel García no terceiro posto e Pilar Vázquez no undécimo. “A xente nova identifícase co noso xeito de facer as cousas”, indicou Hermida, “e iso podémolo comprobar polas altas de afiliación que estamos a recibir nos últimos meses”.
Actualmente a corporación municipal está conformada por once edís, sete pertencentes aos populares e catro aos nacionalistas, polo que se fai necesario alcanzar a maioría absoluta (seis actas) para poder gobernar.
O Concello de Xove, de pouco máis de tres mil habitantes, aprobou neste mes de abril un orzamento superior aos nove millóns de euros para o ano 2019.
Lista electoral do BNG de Xove
Xosé Manuel López Hermida (Profesor. Licenciado Universitario en Filoloxía Portuguesa, Licenciado Universitario en Filoloxía Románica e Técnico Deportivo Nivel 2 de Esquí Alpino)
Carlos Fernández Louzao (Traballador de Alcoa. Técnico Superior en Produción por Mecanizado)
Miguel García Rodríguez (Traballador de Alcoa. Técnico Superior en Programación da Produción en Fabricación Mecánica)
Luísa Pernas Quelle (Oficial de Procurador dos Tribunais. Titulada en BUP e COU)
Laura Vilasa Abad (Empregada no sector servizos. Diplomada Universitaria en Educación Infantil)
Marco López López (Xestor da Admón. de Xustiza. Graduado Universitario en Criminoloxía)
Cristina Lestegás Pérez (Profesora. Licenciada Universitaria en Filoloxía Inglesa)
David Díaz Meitín (Traballador de Alcoa. Técnico Superior en Mantemento e Montaxe de Instalacións de Edificio)
Belén González Martínez (Responsable de Calidade nunha empresa maiorista do sector pesqueiro. Licenciada Universitaria en Matemáticas)
Rodrigo Baño Pena (Traballador de Alcoa. Técnico Superior en Automoción)
Pilar Vázquez Sánchez (Estudante)
Suplentes:
Augusto Albo Ocampo
Xosé Luís Vale Blanco
Patricia Eijo Gómez
Xosé Antonio Alonso Salgueiro
Natalia Fernández Álvarez
Xosé Lois Iglesias Pérez
Sara Rei Balseiro
Samuel Ben Conde
María Carme Mejuto Urrutia
Xosé Durán Cao
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
