Ribadeo, 9 de maio de 2019. O Concello saca a licitación o proxecto de mellora do céspede do campo de fútbol municipal Pepe Barrera. As obras terán un custe de 421.000 euros e as empresas interesadas en realizalas dispoñen de 20 días naturais para presentar as súas ofertas técnicas e económicas. O alcalde, Fernando Suárez, subliñou que se trata dunha actuación moi demandada e necesaria para a práctica do fútbol por parte do Ribadeo FC e da SD Ribadeo.
O rexedor declarou: “hoxe pensamos que é un moi bo día para o deporte en xeral, e para o fútbol en particular, porque maila ás dificultades e os paus nas rodas, damos resposta a unha unánime petición, ao longo deste mandato, de todos os grupos da Corporación, debido ao estado de deterioro do campo de fútbol Pepe Barrera. A situación do Pepe Barrera esixía unha solución, porque este terreo non permitía xogar nin con comodidade nin con seguridade e era moitas veces un desastre polo seu deficiente estado desde hai moitos anos, tendo en conta ademais o uso importante que se fai tanto polo Ribadeo FC como por tantísimos nenos e nenas da SD Ribadeo”.
Suárez Barcia lembrou que “o custe é moi importante, son 421.000 euros, e as necesidades do concello son moitas, polo que pedimos no seu momento axuda ás outras institucións que poden facelo, que son a Deputación de Lugo e a Xunta de Galicia, e foi polo que lles pedimos que financiaran un terzo do custo cada un, así un terzo a Deputación, un terzo a Xunta e un terzo o Concello. Finalmente, e como xa resulta habitual, o apoio foi en desigual medida, inversamente proporcional á demagoxia aplicada nestes casos”.
O alcalde dixo que “contamos co compromiso da Deputación de asumir un terzo, é dicir, 140.000 euros, e de feito infórmannos que mañá irá á xunta de goberno da Deputación a aprobación da cantidade comprometida para asinar o convenio con inmediatez. No caso da Xunta, os 46.000 pírricos euros que nos ofreceron, hai dous meses que os pedimos formalmente e aínda non recibimos noticia. Xa non é que non aportaran un terzo do que lle solicitábamos, igual que a Deputación, senón que nin sequera confirmaron esa mínima contía que ofreceron”.
Fernando Suárez Barcia explicou que “o proxecto está desde hoxe en licitación porque o Concello, prevendo estas demoras, anticipou cos seus medios os cartos precisos para poder financialo, mentres non se confirmen estas achegas porque non podemos agardar por máis tempo se queremos que a obra e o novo céspede estean operativos a finais deste ano 2019. Hai que ter en conta que ademais da remoción de todo o céspede e todo un paquete de firme que hai por debaixo co novo sistema de construción, de rego, de drenaxe, de nivelación, todo isto esixe un período de tres meses para o crecemento do novo céspede, xunto coa realización dunha serie de tarefas de mantemento, ata que se poida usar o campo, necesitamos todo ese tempo”.
E engadiu: “a partir de hoxe, na plataforma de contratos do Estado, na plataforma de licitación electrónica do Concello de Ribadeo, e durante vinte días naturais, todas as empresas cualificadas e que estean interesadas poden estudar e teñen prazo para presentar as súas ofertas técnicas e económicas para poder desenvolver esta obra tan importante e tan demandada en Ribadeo”.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
