Viveiro, 11 maio, 2019. O candidato á alcaldía do Partido Popular de Viveiro, Óscar Rodríguez, comprométese cos distintos representantes do sector turístico a traballar da man para seguir acentuando o éxito do noso turismo”. O popular destaca a importancia de “afianzar o liderazgo dun sector” que xera “riqueza e emprego” en toda a Comarca.
O cabeza de lista do PP aposta no seu programa electoral por desestacionalizar o turismo de Viveiro para aproveitar todo o seu potencial. “Temos visitantes no verán, cando se celebra o Resurrection ou por Semana Santa, pero cremos que a nosa cidade podería manter unhas boas cifras de turistas ao longo de todo o ano sempre que exista un plan estratéxico municipal en colaboración tamén con outras administracións”, explica.
O popular fixo estas declaracións no transcurso dun encontro co sector turístico, organizado polo PP e celebrado esta mañá en Viveiro, coa presenza da Directora de Turismo de Galicia, Nava Castro. Na cita reuníronse profesionais dos diferentes eidos turísticos da Comarca.
Unha oportunidade
Pola súa parte, a Directora de Turismo de Galicia, Nava Castro, asegurou que o xeodestino da Mariña lucense avanza e ten marxe de mellora en varios indicadores que “supoñen unha oportunidade para concellos como o do Viveiro e os membros do sector”.
Os datos arroxan que no primeiro trimestre deste ano, a Mariña lucense recibiu máis de 18.000 viaxeiros, que fixeron máis de 36.000 pernoitas. Trátase dun destino no que a demanda do turismo internacional medrou un 12%.
Boa marcha do sector turístico galego
Nava Castro tamén puxo en valor que os datos constatan a boa marcha do sector turístico en Galicia e o “bo desempeño dos profesionais do sector e da colaboración público-privada que impulsamos”.
Nos primeiros tres meses de 2019, Galicia rexistrou máis de 600.00 viaxeiros e máis de 1,1 millón de pernoitas. A estadía media aumentou (2,3%) e medrou por riba da media española e o número de viaxeiros internacionais medrou (2%), acadando a cifra máis alta dos últimos once anos.
Segundo explica a Directora de Turismo, estamos “a consolidar un destino que recibe turistas todo o ano, polo tanto un destino máis desestacionalizado e sustentable e recibimos un turismo de cada vez máis calidade, como proba o feito de que os ingresos e a rendibilidade melloran”
Ante esta boa evolución do sector turístico galego, o alcaldable resaltou a importancia de que dende o Goberno local de Viveiro se aproveite “o máximo posible o noso potencial, se amplíe a diversificación do noso turismo local e se dea un paso máis na súa competitividade e na súa desestacionalización”.
Compromiso do Goberno galego
Por último, tamén se informou dos mecanismos que o Goberno galego pon anualmente á disposición do sector. Na actualidade, a Xunta de Galicia ten en marcha o Plan MAT de mellora de aloxamentos turísticos, que conta cunha ampla batería de ordes de axudas. Este plan abarca, entre outras, unha orde da Consellería de Cultura e Turismo, dun millón de euros ou o Reforma TUR, impulsado pola Consellería de Economía, con 3 millóns de euros. Amais, o Igape tamén estuda a posta en marcha de empréstitos para a creación e mellora de establecementos de aloxamento (préstamos Ifi-Tur).
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
