Ribadeo, 14 de maio de 2019. O Partido Popular de Ribadeo inclúe no seu programa electoral a construción de dúas novas plantas no aparcamento municipal para triplicar o seu número de prazas. Esta iniciativa foi presentada polo candidato do PP á Alcaldía ribadense, Daniel Vega, no propio aparcamento e ademais fixo públicas imaxes de como quedará o parking despois desa ampliación.
Daniel Vega explicou que se trata dunha “proposta clara para solucionar un problema que existe en Ribadeo, a falta de prazas de aparcamento. Nós levamos no programa electoral a ampliación do actual aparcamento municipal en dúas fases, a curto e medio prazo. En primeiro lugar construiríase un subterráneo, co que duplicaríamos as prazas de aparcamento; e a medio prazo faríase unha altura, co que se triplicaría a capacidade do parking”.
No apartado de aparcamentos e seguridade viaria do programa dos populares de Ribadeo inclúese tamén que xestionarán “a construción dun segundo acceso á vila ribadense desde a autovía A8 e doutro acceso á circunvalación desde a estrada de Vilela; a mellora da iluminación na vila, especialmente nos pasos de peóns, e tamén nas parroquias; a humanización dos barrios periféricos da vila; a redacción dun novo plan de tráfico e seguridade viaria, que poña especial atención nas zonas escolares, e a construción de aparcamentos públicos nas parroquias, nunha primeira fase en Rinlo, Santalla de Vilaosende, Couxela e Covelas”.
O PP de Ribadeo inclúe no seu programa electoral a construción de dúas novas plantas no aparcamento municipal para triplicar o seu número de prazas
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
