RIBADEO (FNC) .- O concelleiro de Medio Ambiente, Horacio Cupeiro, asegura que o seu departamento está a traballar para eliminar os vertedoiros incontrolados que hai polo concello e rexeita as críticas verquidas desde UPRI.
O edil nacionalista lembra que “se queixaba o señor Rivas de forma alarmante de que o noso concello está cheo de vertedoiros incontrolados e botábame a culpa a min. Non sei a quen quere enganar posto que controlar a alguén que fai este tipo de actos é prácticamente imposible. Neste caso tratábase de roupa, pero noutros aparecen residuos que incluso nalgunha ocasión ata foron perigosos”.
Cupeiro considera que “o que debería facer o señor Rivas, xa que di que é un defensor do Medio Ambiente, sería comentar que non se fixeran este tipo de actos irresponsables xa que desa maneira, ainda sendo oposición, colaboraría realmente con eso que él di defender que é o medio ambiente. O que lle importa a él é outro tipo de cousas e non a defensa do medio ambiente eso dalle igual, o único que quere é incordiar e ir de oportunista vendo onde alguén deposita algo para facer unha foto e dicir que temos un Ribadeo cheo de vertedoiros incontrolados”. O concelleiro de Medio Ambiente nega as acusacións verquidas desde UPRI, “eso non é así porque estamos sacando e limpando un montón deles, incluso algún da súa época como pode ser no túnel da Palmeira onde él autorizou botar varios camións de escombro e despois me dicen que os túneles están mal, pois hai algún que está así desde hai 30 anos. A min pódeseme botar a culpa de todo, eu aguanto moito, pero calquera que coñeza o tema dalle a risa porque todo o mundo sabe que os túneles levan así moitos anos”.
Horacio Cupeiro pide que “ninguén nos veña dar exemplo de nada porque son precisamente as persoas que menos fixeron polos vertedoiros as que agora pretenden darnos clases. Xa dixen noutra ocasión que determinadas actitudes poido aprendelas, pero del, do señor Rivas, concretamente pouco teño que aprender ainda que sempre se aprende algo das persoas”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
