Viveiro, 22 de maio de 2019.
“Feijóo pretende chantaxear aos veciños de Viveiro asegurando que se sae Alcalde o candidato do PP mellorará a estrada que vai de Viveiro a Cabreiros. É indignante que o Presidente da Xunta de Galicia, que só se lembra de Viveiro cando hai eleccións, minta descaradamente cando sabe que iso non o vai facer. E non o vai a cumprir porque hai unha realidade e é que os orzamentos autonómicos para este ano xa están aprobados e non hai prevista unha actuación deste tipo”. Así o denunciou este mércores a Alcaldesa, María Loureiro, tras a visita do Presidente da Xunta de Galicia ao Concello.
“Feijóo xa non disimula. Se o PP goberna en Viveiro traerá novos investimentos, pero se non o fai non. É dicir, confesa abertamente que leva máis de 10 anos discriminado e castigando aos veciños de Viveiro porque é o PSOE quen goberna no Concello. É dun sectarismo e un caciquismo preocupante que o Presidente de todos os galegos conciba a política desta maneira, pero xa non nos sorprende. E aos veciños tampouco. Volverá no 2020, ano de eleccións autonómicas, a prometer todas as actuacións que non fixo, pero desta vez confío en que haberá un cambio de goberno polo ben do futuro de Viveiro”.
“O PP minte cando di que somos un Concello paralizado. Eu como Alcaldesa e o equipo de Goberno fixemos todas as xestións posibles, recorremos todas as Consellerías, chamamos a todas as portas para que se desbloquearan proxectos tan importantes como o saneamento da ría, o derribo dos galpóns ou a aprobación do PXOM. Pero sempre tivemos un non por resposta. En cambio, representantes do Partido Popular pola Mariña e Viveiro, como o señor Olano, non propuxo unha soa iniciativa en 8 anos. E máis, era tal o seu desinterese polas necesidades dos viveirenses que case non asistiu a un Pleno do Concello.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
