BURELA (FNC) .- Burela prepara unha ruta turístico-cultural para divulgar o mundo do mar e as súas actividades e profesións. Nas últimas horas o alcalde, Alfredo Llano, mantivo un encontro con representantes da cofraría de pescadores, da asociación de redeiras e da xefatura territorial de Pesca para analizar o proxecto que lle plantexarán ao Grupo de Acción Costeira A Mariña-Ortegal.
O rexedor sinalou que “nós queremos impulsar un proxecto de turismo cultural ou do turismo do mar. Estivemos falando de potenciar o barco museo, o arquivo histórico da cofradía de pescadores, o arte das redes e tamén para divulgar de xeito directo ou a través dun vídeo o que é unha subasta de peixe. A intención é que a xente saiba o proceso que segue o peixe desde que sae do barco, pasando pola lonxa e que vexan o valor que ten e cales son os mercados aos que se dirixe”.
Llano tildou de moi interesante a iniciativa “para promocionar turísticamente Burela e penso que será tamén unha motivación para que os trens turísticos de FEVE paren máis tempo na nosa vila. Este ano imos propoñerlles esta idea para que estean máis horas con nós e poidan disfrutar deste novo proxecto que tentaremos poñer en marcha o antes posible. Queremos ofertalo a partires do vindeiro mes de xuño”. O alcalde de Burela contou que “o proxecto partiu da cofradía, das redeiras, da Consellería de Mar e do Concello para levar adiante algo que mereza a pena para ser visitado por moita xente, incluso a do noso municipio. Imos promover este proxecto a través do Grupo de Acción Costeira A Mariña-Ortegal posiblemente antes do 31 de marzo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
