Lugo, 8 de xuño de 2019. A Deputada de Cultura en funcións, Pilar García Porto, avanzou este sábado a programación do Buxiganga da Deputación, que comeza este sábado 8 de xuño e rematará o 1 de decembro. Este programa de teatro afeccionado celebra a 11ª edición e conta cun orzamento de 70.000 euros. O programa cultural Buxiganga cumpre o obxectivo de dinamizar cultural, social e economicamente os concellos da provincia de Lugo, especialmente os do rural.
García Porto sinalou que “con esta nova edición do Buxiganga acercaremos o teatro afeccionado a 52 Concellos da Provincia con un total de 114 actuacións nas que participarán 370 actores e actrices. Dende o Goberno Provincial puxemos en marcha esta iniciativa para promocionar o teatro e para dinamizar a actividade cultural nos municipios grazas aos grupos de teatro da provincia”.
No programa Buxiganga poden participar as agrupacións de teatro, encargadas da representación das obras, así como os concellos e asociacións sen ánimo de lucro da provincia que poden solicitar a celebración destas actuacións.
114 actuacións en 52 Concellos da Provincia
O Buxiganga chegará este ano a 52 localidades da provincia con 114 actuacións: Alfoz ( 4 actuacións), Baleira (1 actuación), Baralla (2 actuacións), Barreiros (2 actuacións), Begonte (4 actuacións), Bóveda (3 actuacións), Burela (2 actuacións), Carballedo (2 actuacións), Castroverde (4 actuacións), Cervantes (1 actuación), Cervo(7 actuacións), O Corgo (3 actuacións), Cospeito (2 actuacións), Chantada (1 actuación), Folgoso do Courel (1 actuación), Foz (7 actuacións), Friol (2 actuacións), Guitiriz (2 actuacións), Guntín (1 actuación), O Incio (2 actuacións), Láncara (1 actuación), Lourenzá (1 actuación), Lugo (2 actuacións), Meira (2 actuacións), Monforte (2 actuacións), Muras (1 actuación), As Nogais (2 actuacións), Ourol (1 actuación), Outeiro de Rei (1 actuación), Palas de Rei (1 actuación), Pantón (2 actuacións), A Pastoriza (2 actuacións), Pobra de Brollón (1 actuación), Pol (2 actuacións), Portomarín (2 actuacións), Quiroga (2 actuacións), Ribadeo (2 actuacións), Ribas de Sil (2 actuacións), Ribeira de Piquín (1 actuación), Riotorto (2 actuacións), Sarria (4 actuacións), O Saviñao (2 actuacións), Sober (2 actuacións), Taboada (2 actuacións), Trabada (2 actuacións), Triacastela (1 actuación), O Valadouro (4 actuacións), O Vicedo (4 actuacións), Vilalba (1 actuación),Viveiro (3 actuacións), Xermade (2 actuacións) e Xove (2 actuacións).
Participarán 38 grupos de teatro da provincia
Alfoz: Grupo Humorístico Trípode, O Muro.
Baralla: A Rabela Teatro, As Consultas Do Doutor Baldomero Bautista.
Barreiros: Colectivo Cultural Ollomao, Enciclopedia Álvarez.
Burela: O Torques, Cena familiar.
Castro de Rei: Os Baluros, Menciñeiro á forza; Os Trocos, Unha noite de primavera sen sono.
Cervo: A Mariña, O gardián da árbore dos desexos; Ardora, O silencio do badal; O Bordelo, Toluras de proveito.
Chantada: Argalleiras de Teatro, O feitizo; Sacarina, Madialeva; Centro Teatral Faro-Miño, Sintrón nin són.
Foz: A Adala, Comeza a función, A Adala infantil, Que cousas pasan no camiño, O Batán, Bicos de vinagre; O Centiño, El Guindilla; Pico do Castro, Matías está tolo; Axóuxeres, Un divorcio no pobo; Touporroutou Teatro, Comedia bífida.
Lugo: Nova Escena Teatro, As fillas de Eva; Os Palimoquiños, Borralliña; Os Pinchacarneiros, O Lazarillo do Miño; Teatro Lucho Hospital Xeral-Calde, O achado do Castro; Curuxan Teatro Impro, Improvincia; Grupo de Teatro Down, Soños; Hipócrita Teatro, Hotel Desencanto; Ti e máis Eu Teatro, A meiga no palleiro do galo castiñeiro.
Monforte: Grupo de Teatro Viraventos, Sucesos; Teatreiras, Pros e Contras.
Monterroso: Escola de Teatro Falcatrueiros, G-13.
As Nogais: Asociación Cultural Abrente, As pastillas de Farruco.
Palas De Rei: Alentía Teatro, No berce dos contos; Metáse Teatro, Na procura dun traballo.
Pontenova: Lume Escénico, Noite de Reis.
Ribas De Sil: Grupo de Teatro Augas do Sil, Princesa busca pretendente.
Sarria: Rebuldeira Teatro, Delicadas.
Viveiro: Obra Viva, Casa Macho.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
