Ourol, 3 de xullo de 2019.- A Consellería de Infraestruturas e Mobilidade remata hoxe os traballos de reforzo do firme da estrada autonómica LU-540, entre Viveiro e Cabreiros, nos que investiu preto de 600.000 euros.
O delegado territorial da Xunta en Lugo, José Manuel Balseiro, comprobou o resultado das obras, que se executaron durante os últimos meses -exceptuando algunhas semanas durante o inverno debido ás condicións climatolóxicas- e afectaron aos termos municipais de Ourol, Xermade, Viveiro e Muras. Balseiro anunciou que a continuación vaise proceder ao repintado integral da vía.
As obras de reforzo localizado do firme iniciáronse no concello de Ourol e desenvolvéronse entre os puntos quilométricos 8+000 e 37+150, en Roupar -onde conclúen hoxe-. Consistiron no fresado das zonas deterioradas da calzada e posterior reposición dos espesores eliminados cunha nova capa de rodaxe de mestura bituminosa en quente. Nestas zonas xa se procedeu á renovación de sinalización horizontal, e no alto da Gañidoira instaláronse ademais guías sonoras laterais para mellorar a seguridade.
Balseiro explicou que co repintado total da vía culminará o proxecto de mellora da estrada, que se iniciou cunha primeira fase no 2017 e se retomou no outono do pasado ano. En total, engadiu, o investimento global na mellora desta estrada nos últimos dous anos supera os 1,3 millóns de euros.
O delegado salientou a importancia da intervención dado que a LU-540 asume unha elevada intensidade de tráfico pesado e soporta condicións climatolóxicas adversas. O novo pavimento, afirmou, incrementará as condicións de seguridade ao proporcionar unha mellor adherencia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
