Mondoñedo, 7 de xullo de 2019.- A Asociación de Produtores de Verdina de Galicia vén de elaborar un anteproxecto para o que prevé contar coa axuda do Concello de Mondoñedo e da Xunta de Galicia co obxectivo de acondicionar unha nave para albergar o centro de xestión da faba fresca que se produce baixo a súa marca. A nave 3 está emprazada na Rúa San Lázaro, no número 28.
O Goberno local e o Executivo autonómico mantiveron xa unha reunión coa Asociación de Produtores para coñecer o anteproxecto que pretenden levar a cabo e estudar as posibles vías de colaboración.
O centro de xestión da faba fresca deberá albergar no interior unha serie de espazos:
-Unha oficina para xestión da asociación de produtores
-Un vestiario dotado de aseo para o persoal
-Unha cámara de frío
-Zonas de pesado, embalaxe e almacenaxe
As obras suporían un investimento total de 52.888,47 euros, obras no interior e equipamento (cámara frigorífica e traspaleta pesadora).
Funcionamento
A faba fresca é un produto con moita demanda neste momento no mercado. Prevese que calquera produtor da Asociación de Produtores amparados pola marca Faba Verdina de Galicia e procedentes dos concellos de Mondoñedo, Lourenzá e Trabada poida levar a faba a esas instalacións onde se recepcionará e se fará un control de calidade segundo os estándares das distintas empresas comercializadoras.
Pesarase a faba recibida e procederase ao seu envasado en bolsas de plástico, da capacidade requirida pola empresa comercializadora e o seu etiquetado correspondente. O produto quedará almacenado en cámara refrixerada para evitar perdas e sairá das instalacións a cargo da empresa comercializadora e nas cantidades que requiran.
Obras
O anteproxecto recolle a distribución dos espazos requiridos polo promotor da maneira máis eficaz posible tendo en conta as normativas vixentes, o confort interior para os usos dos locais, a economía do presuposto; sen reducir por iso a calidade necesaria para este tipo de establecementos e tendo en conta tamén as fachadas existentes cos ocos actuais e que no futuro se requira a apertura de ocos de luz natural pola fachada lateral.
A proposta recolle o emprazamento da oficina cara á fachada principal aproveitando desta forma a luz natural da ventá xa existente. A continuación colocarase o vestiario que conta cunha entrada desde o espazo de acceso polo que os traballadores entran vestidos de rúa e unha saída cara ao interior da nave pola que saen do vestiario coas roupas de traballo directamente ao local no que se manipulan os alimentos. Dende o vestiario e no interior da nave colocaranse lavamáns para garantir a hixiene na manipulación dos alimentos. E, ao fondo da mesma, colocarase a cámara de frío na que se almacenen as fabas unha vez empaquetadas para a súa distribución.
Fins e actividades da asociación de produtores
A entidade sen ánimo de lucro Asociación de Produtores de Verdina de Galicia ten como finalidade promocionar e fomentar a actividade dos produtores desta faba; así coma promocionar e apoiar a comercialización directa da verdina polos produtores, tanto no mercado da Comunidade Autónoma galega coma fóra dela.
Igualmente, entre os seus obxectivo atópase o apoio e o fomento das actividades de promoción do produto e o seu consumo; ademais do apoio e fomento das actividades de investigación, desenvolvemento e innovación (I+D+i) relativas á verdina, o seu proceso de manipulación, envasado, expedición, distribución e comercialización que resulten de interese e en beneficio dos produtores da Asociación.
Faba Verdina de Galicia contará co apoio da Xunta e do Concello de Mondoñedo para acondicionar unha nave na que establecer o seu centro de xestión
Relacionado
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
