A Mariña, 8 de xullo de 2019. En Foz remataron o sábado as xornadas de portas abertas das Rutas de Artesanía que organizou a Mancomunidade de Concellos da Mariña lucense baixo o convenio asinado coa Axencia de Turismo de Galicia. Nesta iniciativa participaron cerca de 90 persoas de distintas procedencias.
Con motivo da edición da nova guía sobre as Rutas de Artesanía que a Mancomunidade de Concellos da Mariña Lucense presentada o pasado 14 de xuño, organizáronse nas fins de semana de xuño e este pasado sábado, 6 de xullo, unhas xornadas de portas abertas a obradoiros e recursos de distintas localidades da Mariña Lucense.
No novo material informativo, que está dispoñible na páxina web e nas oficinas de turismo da comarca, proponse ao visitante coñecer a riqueza patrimonial, natural e gastronómica a través da proximidade e sabedoría dos artesáns da Mariña Lucense, principais protagonistas desta iniciativa. A proposta consta dunha serie de itinerarios nos que o visitante pode adentrarse no oficio do artesán e disfrutar dos valores naturais, culturais e gastronómicos da localidade onde se ubican e da súa contorna próxima.
As xornadas de portas abertas das Rutas de Artesanía da Mariña Lucense, dirixidas tanto a locais como a visitantes, tiñan por finalidade dar a coñecer con actividades gratuítas para o público xeral esta iniciativa ademais de ofrecer un motivo interesante polo que desprazarse ao territorio antes do comezo da tempada alta.
As xornadas, que deron comezo o 16 de xuño en Cervo, pasaron por Mondoñedo, A Pontenova, Viveiro, Burela e remataron este sábado en Foz coa visita á Basílica de San Martiño de Mondoñedo, ao artesán e escultor Caxigueiro e o Espazo Caritel, iniciativa do artista plástico que xira arredor da arte e a natureza e que fixo as delicias dos asistentes coa variedade botánica que alí se concentra.
Nas xornadas participaron preto de 90 persoas de distintas procedencias, Alemania, Asturias, Madrid, Gran Canaria, Lugo, Vigo, Santiago de Compostela, Terra Chá e da propia comarca da Mariña Lucense. As persoas enquisadas valoraron moi positivamente a iniciativa, outorgándolle unha nota de 9,76. A todas elas lles gustaría repetir a experiencia coa que, da man dos propios artesáns, puideron coñecer en detalle e dunha forma interactiva e amena a historia que hai detrás de cada un deles, o seu proceso de traballo e taller así como algúns dos principais recursos turísticos das localidades onde transcorreron as xornadas da man de visitas guiadas e interpretativas. Tras os resultados obtidos dende Turismo da Mancomunidade xa comezan a valorar posibles accións de futuro en torno ao proxecto.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
