Lugo, 17 de xullo de 2019.- A Xunta de Galicia lembra que o servizo de socorrismo é unha competencia municipal, de evidente relevancia nos municipios costeiros, e que é responsabilidade dos gobernos locais organizalo e financialo para poder ofrecelo en condicións óptimas durante a tempada de verán.
A Consellería de Economía, Emprego e Industria mantén un programa de colaboración cos concellos que distribúe axudas para a contratación de socorristas con criterios de equidade, iguais para todo o territorio, e inclúe tanto os areais como as piscinas de todos os concellos galegos que as solicitan.
Na provincia de Lugo concedéronse achegas por importe de 315.600 euros para financiar a contratación de 100 socorristas, e este ano fíxose un esforzo especial para axudar a cubrir o servizo que prestan nas piscinas os concellos do interior. Así, en Lugo practicamente a metade das contratacións subvencionadas (49 en concreto) son para piscinas. Deste xeito, a cifra global de contratos que se financian na provincia apenas sufre variacións con respecto a anos anteriores.
Ante as recentes declaracións da alcaldesa de Barreiros sobre a falta de socorristas no seu municipio, a Xunta lembra que é responsabilidade do propio concello financiar con fondos propios o servizo ata onde o considere necesario, e que en todo caso Barreiros segue estando entre os concellos da Mariña máis beneficiados por este programa de axudas.
Polo que respecta á formación esixida, o Goberno galego facilita cursos de socorrismo que son gratuítos tanto para as persoas interesadas en realizalos como para os concellos que os impartan, sempre que os soliciten ao abeiro das accións formativas que sufraga a consellería de Economía para traballadores desempregados.
En definitiva, a Xunta insta á alcaldesa a asumir a súa responsabilidade en vez de culpar a outra administración da imposibilidade de prestar con garantías un servizo propio.
5.300 persoas inscritas
Actualmente hai case 5.300 persoas inscritas no Rexistro Profesional de Socorristas Acuáticos de Galicia, o que os habilita para poder traballar nas nosas praias este verán.
Aínda que as competencias para contratar socorristas correspóndelle a cada concello, o Goberno galego co obxectivo de garantir a seguridade e a prestación dun servizo de calidade no ano 2012 regulou a formación mínima que deben ter os socorristas acuáticos a través dun decreto que establecía a formación mínima que debían ter e se creaba o Rexistro Profesional de Socorristas Acuáticos de Galicia.
A premisa da Xunta é que todos os veráns as praias galegas conten cos mellores profesionais para levar a cabo unha tarefa tan importante como velar pola seguridade dos milleiros de bañistas que cada día están no litoral galego.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
