Ribadeo, 18 de xullo de 2019. As festas do Carme de Ribadeo celebraranse este sábado, día 20, e o domingo 21 nunha nova localización, xunto á lonxa. No programa de festexos hai verbenas, procesión e concerto do grupo Son do Sil.
O presidente da comisión organizadora dos festexos, Salvador Fernández, anuncia que “as festas do Carme vanse celebrar o sábado 20 e o domingo 21. O sábado 20 ás catro e media da tarde haberá xogos infantís e a todos os que participen darémoslles ao final chocolate con churros. Ás dez e cuarto da noite vai actuar Son do Sil, que xa estivo o ano pasado e volve este; e para rematar na verbena, a partir das doce da noite, temos ao Dúo Diamante”.
Salvador Fernández explica que “o domingo 21, á unha e media, faremos a sesión vermú coa orquestra Trovadores. Ás seis da tarde celebraremos a misa de campaña, na igrexa da Atalaia, e baixaremos en procesión acompañados polo cuarteto Catro Canos, da asociación Amigos da Gaita, subiremos ás lanchas para facer o percorrido pola ría de Ribadeo e deixar a coroa polos náufragos. Pasaremos por diante de Figueras e Castropol e queremos darlle as grazas a Astilleros Gontán porque é un domingo e quedou en que ían tocar as sirenas. No porto vainos esperar a Coral Polifónica de Ribadeo, que vai cantar a Salve Mariñeira e Mariñeiro, despois subiremos á igrexa da Atalaia para deixar alí a virxe. Para rematar, ás dez da noite, empezará a verbena na que tocarán as orquestras Trovadores e Fénix, ata as tres da mañá”.
O presidente da comisión de festas do Carme ribadense sinala que “a nova localización da festa vai ser na explanada a carón da confraría de pescadores, onde aparcan as autocaravanas, porque así non cortamos o paso no paseo marítimo libre, pódese pasar por abaixo e poden saír os coches. Levouse para alí porque veñen dúas orquestras e a anterior localización era un espazo moi pequeno. Ademais así non hai que prohibir a circulación e cantos menos problemas teñamos mellor”.
Salvador Fernández dá as grazas a “todos os que colaboraron con nosoutros, tanto cos escritos do libro do Carme como aos anunciantes, e a outras persoas, como as que están facendo os adornos florais, ás que limparon a igrexa da Atalaia e a outra xente que colaborou con nós. Tamén darlles as grazas ás lanchas que nos van levar a Virxe e ás autoridades, como a todas aquelas outras persoas que nos van acompañar na procesión. Dicir tamén que o domingo imos regalar a pañoleta da festa da Virxe do Carme do 2019 a toda a xente que vaia vestida de mariñeiro ou mariñeira”.
Ademais de Salvador Fernández, da comisión organizadora das festas do Carme de Ribadeo forman parte Lorenzo Ruíz, Alejandro Álvarez, Víctor Cao, José Manuel Arias e Jesús López.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
