Lugo, 02 de agosto de 2019.- A Consellería de Cultura e Turismo financia unha trintena de espectáculos e actividades culturais que se celebrarán este mes de agosto en 15 concellos lucenses ao abeiro de distintas programacións que impulsa este departamento. Así, abrirá o calendario este venres Portomarín, que acollerá no albergue xuvenil unha actividade de dinamización lingüística, e o sábado un concerto de fados na praza do Camiño, ás 20.00 horas.
Tamén o sábado actuará na alameda da Fonsagrada o pallaso Antuan de la Cream a partir das 17.00 horas, e en nas piscinas municipais de Paradela comezará un espectáculo de teatro infantil ás 19.30 horas.
Outros concellos que disfrutarán dos distintos eventos programados para este mes serán Palas de Rei, Barreiros, Monforte de Lemos, Quiroga, Mondoñedo, Baleira, Pantón, Trabada, Chantada, Ribadeo, Guntín e Castroverde.
O delegado territorial da Xunta en Lugo, José Manuel Balseiro, sinalou que a práctica totalidade das citas forman parte do programa Cultura no Camiño, se ben tamén hai dúas de dinamización lingüística no marco do plan O galego campa!, en Palas de Rei e Portomarín, localidade que acollerá igualmente unha do ciclo Danza3.
A Consellería de Cultura e Turismo achega este ano o programa Cultura no Camiño a unha vintena de concellos de Lugo polos que discorren diferentes rutas xacobeas, que son beneficiarios das axudas convocadas para a contratación de actuacións escénicas e musicais que se desenvolven ata o 30 de setembro. A achega total na provincia ascende a 50.000 euros.
Actos para a vindeira semana
O mércores o centro sociocultural de Barreiros acollerá o espectáculo teatral-musical Os Rockenstein ás 12.00 horas; o día 8 actuará o mago Manuel Lamas na Praza de España de Monforte de Lemos ás 22.30 horas, e o venres no mesmo lugar e á mesma hora tomará o relevo o concerto de “Oye Como Va”, a cargo de Swing Sentido.
O sábado ás 12.00 horas, na rúa Real de Quiroga, Berta Ramos presentará o espectáculo de maxia Petite Caravane, e o mesmo día na Praza do Seminario de Mondoñedo -ás 12.30 horas- a compañia Mircromina ofrecerá o espectáculo infantil Vacacións no mar; en Portomarín concerto a cargo de Adrián Vigo e a súa banda, a partir das 20.00 horas; en Baleira concerto de Rodrigo Romaní ás 20.30 horas, e en Pantón concerto de Las Antonias ás 23.00 horas. Xa o domingo, Trabada acollerá o espectáculo familiar A galiña azul, a cargo da compañía Tanxarina.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
