Burela, 4 de setembro de 2019. A Concellería de Turismo fai un balance positivo do verán. A ocupación hoteleira en agosto situouse entorno ao 100%, polo barco museo pasaron 1.900 persoas e pola oficina de turismo 3.000. Para o edil Ramiro Fernández Rey Burela consolídase pouco a pouco como un destino turístico familiar. O mes pasado 1.200 persoas fixeron a ruta da lonxa e as xeolóxicas seguen a ser un reclamo e un éxito.
Ramiro Fernández declarou que “na Concellería de Turismo de Burela temos unha valoración moi positiva do que foi este mes de agosto, a ocupación hoteleira estivo roldando o 100% e os datos que manexa o propio Concello tamén son moi positivos”.
O concelleiro de Turismo subliñou que “no barco museo tivemos 1.901 visitas, o que supón un incremento con respecto ao ano pasado de practicamente un 18%, algo que podemos cualificar evidentemente como moi positivo. Cada vez temos máis xente no barco e este verán os datos dinnos que está sendo un dos referentes turísticos que temos no pobo”.
Fernández Rey engadiu que “na Oficina de Turismo tivemos máis de 3.000 consultas. Temos que destacar que Burela se está consolidando como un destino familiar, imaxinamos que igual que o resto da Mariña, onde ven xente de mediana idade. Ese é o turismo que a nosoutros nos interesa porque é un turismo tranquilo, un turismo gastronómico e que deixa un aporte económico no pobo. As rutas do peixe neste mes de agosto funcionaron moi ben, preto de 1.200 persoas tiveron a oportunidade de visitar a nosa lonxa. Con respecto ás rutas xeolóxicas foron un auténtico éxito, é unha iniciativa que nos está dando moita oportunidade de dar a coñecer o noso pobo”.
O edil de Turismo en Burela manifestou que “en definitiva é un balance moi positivo, seguiremos traballando para que estes datos sigan afianzándose ano a ano, demostrase que ese traballo está dando os seus froitos, que ano a ano Burela cada vez recibe máis visitas e seguiremos traballando nesta liña, incluso tamén en desestacionalizar o turismo e que teñamos visitantes todo o ano”.
Das 3.371 persoas que pasaron pola oficina de turismo 3.293 eran españolas e 78 estranxeiras. 2.152 desas persoas visitaban por primeira vez Burela. Os lugares de procedencia foron Madrid con 1.151 persoas, Galicia con 394, Asturias con 330, Castela-León con 323, País Vasco con 282 e Cataluña con 188. Burela tamén recibiu a visita de xente chegada de Andalucía, Valencia, Extremadura, Navarra, Baleares, Canarias ou Murcia.
Os estranxeiros procedían de Alemaña con 25 persoas, Francia con 13, Portugal con 8 e Rusia con outros 8. Tamén coñeceron Burela xente chegada desde Bélxica, Italia, Holanda, Uruguai, Arxentina ou Estados Unidos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
