Lugo, 4 de outubro de 2019. O Deputado de Promoción Económica e Social, Pablo Rivera, informou de que a Xunta de Goberno deste venres aprobou solicitar a adhesión da Deputación a un convenio entre o Estado e a Federación Española de Municipios e Provincias (FEMP) para crear un Punto de Atención a Emprendedores (PAE), que consiste nunha oficina que ofrece información e axiliza trámites para abrir un negocio. Grazas a este punto, os trámites de alta nunha actividade empresarial serán gratuítos para os emprendedores e emprendedoras, e poderán facerse nun tempo de 48 horas.
Esta iniciativa “encádrase no compromiso da Deputación coa dinamización do tecido empresarial da provincia, co obxectivo de fortalecelo, diversificalo, mellorar a súa competitividade e crear emprego a través do apoio ao emprendemento”, subliñou Pablo Rivera, ademais de destacar que o PAE “complementa o xa amplo abano de servizos que a Deputación está prestando en materia de impulso do emprendemento e de creación de emprego”. Así, entre outras iniciativas, a institución provincial ten en marcha a Axencia de Colocación, que busca casar oferta e demanda de postos de traballo no menor tempo posible e ofrece ademais servizos de asesoramento a empresas e emprendedores, e orientación laboral.
Os PAE teñen unha dobre misión. Por un lado, prestan servizos presenciais de información e asesoramento aos emprendedores na definición e tramitación telemática das súas iniciativas empresariais, así como durante os primeiros anos de actividade. Por outro, iniciar o trámite administrativo de constitución da sociedade a través do DUE, o Documento Único Electrónico. Este punto será atendido por persoal técnico do servizo provincial de Promoción Económica e Emprego e do Centro de Atención ao Usuario (CAU).
Nova edición de Lugo Termal
Tal e como avanzou onte o Presidente, o Goberno provincial aprobou na súa reunión de hoxe as bases para unha nova convocatoria de Lugo Termal, o programa co que dende hai xa oito anos a institución provincial favorece o benestar social e dinamiza a economía a través do impulso do termalismo ofrecendo descontos aos veciños e veciñas maiores de 55 anos para facilitarlles o acceso a estes establecementos e recibir terapias mineromedicinais durante os vindeiros meses, ata xuño do 2020.
O período de solicitudes iniciarase a vindeira semana. Como en edicións anteriores, deberán ser presentadas no Rexistro da Deputación de Lugo, con sede en San Marcos.
O Balneario e Termas de Lugo, o Hotel Balneario Río Pambre de Palas de Rei e o Hotel Balneario de Augas Santas de Pantón son os tres establecementos participantes no programa de termalismo da Deputación. Un ano máis, poderase optar por dúas modalidades: con estancia e sen estancia. O prezo da praza a pagar polos usuarios e usuarias con estancia será de 189,50 euros por seis días e cinco noites a pensión completa. Sen estancia, o prezo da praza será de 200€ por 10 días de luns a venres. Este ano estarán dispoñibles para os lucenses un total de 1.351 prazas: 1.113 con estancia e 238 sen estancia; con descontos de máis de 60 euros para recibir terapias mineromedicinais.
60.000€ para Equigal e Expolugo A Rural
Así mesmo, aprobouse o convenio de colaboración entre a Deputación e a Fundación Feiras e Exposicións de Lugo por un importe de 60.000€, destinados a contribuír ao financiamento de Equigal, Salón Internacional do Cabalo de Galicia 2019 e Expolugo a Rural.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
