LUGO .- Os mozos e mozas galegos de entre 18 e 35 anos poderán contratar dúas noites de estancia en establecementos de turismo rural, con manutención completa, e unha variada oferta de actividades, por un prezo pechado de 100 euros –e un 25% menos co carné xove-. En total, ofértanse arredor de 1.500 prazas de aloxamento en toda Galicia co programa turístico Xuventur que presentou a delegada territorial da Xunta, Raquel Arias.
Nota de Prensa
A DELEGADA TERRITORIAL PRESENTA O PROGRAMA ‘XUVENTUR’, QUE OFRECE AOS MOZOS GALEGOS 356 PRAZAS PARA FINS DE SEMANA MULTIAVENTURA EN CASAS DE TURISMO RURAL DA PROVINCIA
* Raquel Arias expuxo as liñas da iniciativa, na que participarán 34 establecementos rurais pertencentes a 18 concellos de Lugo
* A iniciativa desenvolverase nas fins de semana dos meses de abril, maio e xuño e nela poderán participar todas aquelas persoas que teñan entre 18 e 35 anos
Lugo, 29 de marzo de 2010.- Estancias en casas de turismo rural a metade de prezo e coa posibilidade de realizar actividades complementarias como piragüismo, sendeirismo ou escalada. Esta é a oferta de Xuventur, o programa turístico dirixido á mocidade que hoxe presentou a delegada territorial da Xunta, Raquel Arias.
O programa desenvolverase entre os meses de abril, maio e xuño, excluídas as datas da Semana Santa, e ten por obxecto dinamizar o sector turístico galego á vez que ofrecer alternativas de ocio á mocidade a prezos asequibles. Está organizado pola Dirección Xeral de Xuventude e Voluntariado da Consellería de Traballo e Benestar e mais a Secretaría Xeral para o Turismo da Consellería de Cultura e Turismo.
Os mozos e mozas galegos de entre 18 e 35 anos poderán contratar dúas noites de estancia en establecementos de turismo rural, con manutención completa, e unha variada oferta de actividades, por un prezo pechado de 100 euros –e un 25% menos co carné xove-. En total, ofértanse arredor de 1.500 prazas de aloxamento en toda Galicia a un prezo que é entre 50% e o 60% máis barato do que custaría en condicións de mercado.
Tamén está incluído no programa o transporte das persoas que participan dende o aloxamento ao lugar onde se realizarán as actividades durante a xornada do sábado e do domingo, así como o equipo de monitores e o material preciso para o seu desenvolvemento.
Na oferta de actividades do Xuventur na provincia de Lugo hai tres programas diferentes, que comprenden actividades como: Sendeirismo, piragüismo, paintball, tiro con arco, escalada e rápel, rutas en bicicleta de montaña, carreiras de orientación con gps, canoas, visitas guiadas e culturais, espeleoloxía, ou xogos de rol en vivo dramatizados,
A oferta en Lugo
A estrea do programa producirase a fin de semana do 9 ao 11 de abril, e no caso da provincia de Lugo as primeiras casas de turismo rural participantes serán as de Casa da Aira e Casa Carlos (Folgoso do Courel), A Salanova (A Pobra do Brollón), e Casa Reboiro (Monforte de Lemos).
O programa desenvolverase cada fin de semana nun grupo seleccionado de casas de turismo rural distribuídas por toda a xeografía galega. “Na provincia de Lugo ofértanse en total 356 prazas, repartidas en 34 establecementos situados en 18 concellos diferentes, e todos eles pertencentes a asociacións do sector (Aturmar, Rurancares, Serra do Courel ou Lugosur)”, segundo explicou a delegada territorial, que subliñou que esta ampla oferta supón que “Lugo conta con case a terceira parte do centenar de establecementos que participan no programa Xuventur”.
Os concellos nos que se ubican os establecementos de turismo rural son: Folgoso do Courel, Monforte, Trabada, Ribadeo, Cervo, Foz, Mondoñedo, Viveiro, Barreiros, Cervantes, Becerreá, Navia de Suarna, A Pobra de Brollón, Bóveda, O Incio, Taboada, Pantón, O Saviñao.
Xuventur ten o propósito de facilitar que os mozos e mozas poidan coñecer a xeografía e o patrimonio natural, cultural e etnográfico de Galicia, promovendo o seu respecto.
A delegada territorial, Raquel Arias, sinalou que “na orixe deste programa está a intención de proporcionar á xente nova a oportunidade de vivir a experiencia do turismo activo e promover a educación ambiental e o ocio saudable nun entorno natural, no que Lugo ten un posto de referencia”.
Pero, do mesmo xeito, aclarou, nos obxectivos desta iniciativa tamén se atopa o de “estimular o movemento económico no sector”, xa que o programa Xuventur intenta compensar ao sector turístico en momentos de baixa ocupación.
Neste sentido, destacou que esta iniciativa serve tamén para “desestacionalizar o sector tamén no ámbito laboral, promovendo o emprego dos monitores das empresas de multiaventura, que doutro xeito quedaría practicamente limitado aos meses de verán”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
