CERVO .- O Concello de Cervo renuncia a propiedade do inmoble que lle pertencía dentro da promoción de 15 vivendas feita polo IGVS en Río Cobo a cambio de 106.246,96 euros que adicará a o acondicionamento de distintas estradas do municipio.
Nota de Prensa
CERVO E O IGVS FIRMARÁN UN CONVENIO POR MÁIS DE 106.000 EUROS QUE POSIBILITARÁ O ACONDICIONAMENTO DE VARIAS RÚAS DO MUNICIPIO
* O acordo consistirá na renuncia por parte do Concello aos seus dereitos de propiedade do inmoble que lle pertencía dentro da promoción de 15 vivendas feita polo IGVS en Río Cobo que hai uns días se adxudicaron en propiedade aos seus 14 novos donos
* O IGVS comprometese a adxudicar esta vivenda á persoa que quedou no número 15 da lista de beneficiarios que optaban a posuír un destes chalés
* Ademais, o organismo autonómico aboará ao Concello 106.246,96 euros que posibilitarán o acondicionamento de distintas estradas do municipio.
Cervo, 31 de marzo de 2010.- O alcalde de Cervo, Alfonso Villares, desprazouse no día de hoxe á Consellería de Medio Ambiente, Territorio e Infraestruturas para concretar os detalles do convenio que o Concello de Cervo ten previsto firmar co Instituto Galego da Vivenda e Solo (IGVS) mediante o cal se posibilitará que a persoa que quedou no posto número 15 da lista de demandantes de vivendas sociais da promoción pública feita en Río Cobo poda ser o adxudicatario do inmoble que inicialmente estaba destinado como de titularidade municipal.
Hai que lembrar que o IGVS adxudicou hai uns días catorce das quince vivendas desta promoción. A vivenda restante tería que cedela ao Concello por ter proporcionado o consistorio o solo de xeito gratuíto para que se construíran nel estas vivendas sociais.
O convenio consiste na renuncia por parte do Concello aos seus dereitos de propiedade do inmoble que lle pertencía dentro da devandita promoción de 15 vivendas e a cambio, o IGVS comprometese a adxudicar esta vivenda á persoa que quedou no número 15 da lista de beneficiarios que optaban a posuír un destes chalés. Ademais, o organismo autonómico aboará ao Concello 106.246,96 euros para levar adiante obras de acondicionamento nas rúas da Cruz, do Xunco e da Veiga en San Ciprián; así como na travesía entre as rúas Once, Trece e a rúa de acceso á urbanización de Río Cobo.
Para o alcalde, a materialización deste convenio será beneficioso para Cervo en dúas vertentes “Por un lado asegurámonos que un veciño do noso municipio poida optar a unha nova vivenda de promoción pública, que en definitiva é a finalidade inicial desta promoción do IGVS; e por outra banda, o Concello poderá afrontar a realización dunha serie de melloras en infraestruturas viarias municipais moi necesarias, xa que se trata de actuacións moi demandadas polos veciños e que perseguen paliar as deficiencias existentes nestas rúas” indicou.
“Pretendemos, en definitiva, seguir na liña de mellora e acondicionamento das infraestruturas básicas do noso municipio porque estamos convencidos de que sempre é bo traballar e priorizar en conseguir investimentos que sexan realmente beneficiosos e rendibles para o conxunto dos cidadáns. Por iso, temos o compromiso de seguir traballando nesta liña e continuar tecendo os alicerces dunhas infraestruturas básicas que nos permitan seguir medrando dun xeito harmónico e con garantías de futuro para o conxunto dos cervenses” rematou o alcalde.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
