Lugo, 25 de novembro, 2019. A Delegación da Xunta en Lugo súmase á campaña institucional para o Día internacional para a Eliminación da Violencia de Xénero, que se celebrou hoxe 25 de novembro. A fachada da sede institucional loce o lema da presente edición, unha mensaxe clara e directa que reza “Fronte á violencia de xénero só cabe unha resposta. Sen ningún xénero de dúbida. NON”.
A Xunta de Galicia reforzou a Oficina de Atención ás vítimas situadas no edificio dos xulgados de Lugo coa incorporación dunha traballadora social, que presta os seus servizos desde o pasado venres e que vén a sumarse ao profesional de psicoloxía que traballa na actualidade na Fiscalía. Este é un paso máis no desenvolvemento do protocolo de actuación para prestar unha asistencia integral e especializada ás vítimas e, de xeito especial, aos menores de idade e ás vítimas máis vulnerables durante o proceso xudicial.
Con esta finalidade acaba de crearse nos xulgados de Lugo unha sala Gesell, a segunda que se pon en marcha en Galicia, que permitirá tomar declaración en condicións de protección e privacidade ás persoas que requiran desta especial cautela. A sala está acondicionada para evitar momentos traumáticos a menores de idade e persoas especialmente vulnerables como persoas con discapacidade ou necesitadas de especial protección, así como vítimas de violencia de xénero.
O espazo conta cunha zona de exploración e outra de observación con accesos distintos e conectadas mediante un sistema de videoconferencia
Esta instalación tamén pode empregarse polos xulgados civís como os de Familia para a exploración dos menores de idade ou nos expedientes de incapacidade, e tamén polo Instituto de Medicina Legal de Galicia (Imelga).
Grazas á implantación pioneira –na nosa provincia- desta sala as testemuñas declaran no ámbito xudicial unha soa vez e evítase que a vítima, sobre todo nos delitos de especial gravidade como os de natureza sexual, sufra esa peregrinaxe polo sistema xudicial. Así, deixan de ter que declarar ante a policía, o xuíz de instrución, o médico forense, os psicólogos e no xuízo oral.
A Xunta cumpre desta maneira as recomendacións da Directiva Europea sobre vítimas e a normativa estatal que obriga a brindar ás persoas especialmente vulnerables un trato específico que lle permita testificar en condicións que garantan a súa protección e respeten a súa privacidade.
Ademais deste sistema pioneiro en Galicia que acollen nos xulgados de Ourense está prevista de estender a instalación das salas Gesell de xeito progresivo en edificios xudiciais doutras cidades como no da Parda de Pontevedra, na futura Cidade de Xustiza de Vigo ou nos xulgados de Santiago.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
