Lugo, 26 de decembro de 2019.- A Consellería de Cultura e Turismo impulsa a través do programa “O teu Xacobeo” o ciclo de monólogos Humor no Camiño, que organiza a Asociación Xuvenil Sagrado Corazón de Lugo e ao que achega 19.200 euros.
O delegado territorial da Xunta en Lugo, José Manuel Balseiro, e o presidente da entidade organizadora, Óscar Engroba, presentaron hoxe o programa, que inclúe dez paradas noutros tantos concellos polos que discorren os Camiños Primitivo, Norte e Francés, todos da provincia de Lugo menos o de Melide, que inaugura o programa.
Os participantes son humoristas moi coñecidos polo público, e todos eles comprometéronse a crear monólogos que tiveran como eixe historias ou vivencias do Camiño. Abrirá a programación J.J.Vaquero na Casa da Cultura de Melide, este sábado ás 20.30 horas. E o seguinte actor en sumarse será Carlos Blanco, o 31 de xaneiro en Vilalba e o 1 de febreiro en Ribadeo. O 21 de febreiro, o auditorio Gustavo Freire de Lugo recibirá a JJ.Vaquero, Nacho García e Dani Fontecha. A partir de aí, Pedro Brandariz visitará Baleira e Castroverde, Pepo Suevos A Fonsagrada, Xan Veiga Portomarín, e David Perdomo Sarria e Mondoñedo, onde pechará o programa.
Óscar Engroba sinalou que se tratou de facer partícipes aos veciños e veciñas dos municipios polos que discorren os Camiños e engadiu que se fixaron prezos populares, especialmente nos concellos rurais que habitualmente dispoñen de menor volume de programación cultural. As persoas interesadas poden atopar toda a información sobre datas, horarios e localizacións e comprar as entradas na web da asociación.
Balseiro explicou que este proxecto “é unha boa mostra do tipo de iniciativas que a Xunta de Galicia quere promover coa convocatoria de O teu Xacobeo, actividades de dinamización social e cultural que xurdan do tecido social e cheguen a todo o territorio, logrando que todos os galegos se sintan partícipes da gran celebración que é o Ano Santo para Galicia”.
Segunda convocatoria
O delegado territorial lembrou que neste momento está aberta a segunda convocatoria, para recibir novas propostas de actividades que se celebren entre o 1 de maio de 2020 e o 30 de abril de 2021. O prazo de solicitudes permanece aberto ata o 30 de decembro.
A primeira edición do programa permitiu organizar máis de medio cento de actividades na provincia de Lugo, a desenvolver entre o 2019 e o 2020. En concreto, apoiou 52 iniciativas de dinamización en 38 concellos lucenses, sumando unha achega da Xunta de 531.000 euros que permitiu mobilizar investimentos por valor de preto dun millón de euros.
A convocatoria está aberta a entidades públicas, privadas e sen ánimo de lucro, coa intención de fomentar a participación de todos os axentes da sociedade e lograr unha programación sociocultural que anticipe a celebración do Xacobeo 2021.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
