Burela, 3 de xaneiro de 2020. A poucos días do pleno de organización, o BNG ve moi complicado un acordo co PSOE e sinalan que cada día que pasa está máis lonxe a posibilidade de chegar a un pacto de goberno.
O portavoz municipal do BNG, Mario Pillado, sinalou que a “gobernabilidade do Concello non está garantida unicamente en base á investidura e lembra ao Sr. Llano que o PSOE perdeu a maioría absoluta dúas veces en seis meses e que o futuro de Burela pasa necesariamente por un acordo que garanta un goberno municipal estable e que traballe para dar solución aos problemas e necesidades da nosa vila”.
Pillado cualificou de irresponsábel a actitude de Alfredo Llano. “O Sr. Llano non se sentou a falar connosco desde que foi investido alcalde o pasado 7 de decembro. É unha actitude irresponsábel por parte da máxima autoridade no Concello, que demostra unha total deixadez e unha despreocupación absoluta polo futuro de Burela. O Sr. Llano semella estar máis preocupado polo seus propios intereses e polos do seu partido que polo interese xeral do conxunto dos veciños e veciñas de Burela”, indicou Pillado.
O BNG fai un chamamento ao sentido da responsabilidade e di que aínda hai tempo para salvar a gobernabilidade de Burela.
A pesar das dificultades e aínda que a priori semella complicado acadar un acordo de goberno pola negativa do PSOE a chegar a un entendemento, desde o BNG fan un chamamento ao sentido da responsabilidade e aseguran que aínda se está a tempo de salvar un goberno estábel para Burela. “O Sr. Llano debe abandonar o unilateralismo partidista e os personalismos e pórse a traballar polo ben común canto antes. Se de verdade lle preocupa un pouco o futuro inmediato de Burela, non ha de ser tan complicado atopar puntos en común para pór o Concello ao servizo do conxunto das veciñas e veciños de Burela”, sinalou Pillado.
Para os nacionalistas, o acordo pasa por concretar unha axenda local en base a cuestións programáticas que teña en conta as principais necesidades de Burela, e isto non se pode garantir sen a presenza do BNG no goberno. A única fórmula que contemplan os nacionalistas pasa por asumir responsabilidades dentro dun goberno compartido e descartan apoios puntuais se non hai un acordo en base a un programa de goberno.
Mario Pillado defende o compromiso do BNG fronte ás outras forzas políticas.
O portavoz municipal do BNG, Mario Pillado, aclarou que “o ideal tería sido chegar ao pleno de constitución cun acordo de goberno, mais a actitude pasiva e despreocupada do Sr. Llano impediron pechar unha proposta de goberno antes do 7 de decembro”. Neste sentido, Pillado lembrou que por este motivo o BNG non deu o seu apoio á investidura de Alfredo Llano, a pesar de que desde o PP se está a tentar trasladar a idea de que o BNG facilitou a investidura do candidato socialista. “O PP sabe perfectamente que na sesión constitutiva do día 7, unicamente o PSOE presentou candidato á alcaldía e que foi investido cos únicos votos dos concelleiros e concelleiras socialistas. Se queren poden seguir xogando a xerar confusión e a sementar dúbidas para ver se pescan algo en augas revoltas, mais eu penso que deberían preocuparse un pouco máis por pór rumbo ao seu propio barco se non queren seguir á deriva despois de colleitar o peor resultado eleitoral do PP desde que Burela é concello”, concluíu Pillado.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
