Viveiro, maio de 1988. As persoas que daquela facíamos parte da xunta directiva da Agrupación Cultural Sementeira decidimos levar adiante unha campaña reivindicando a incorporación ao patrimonio público do Teatro Pastor Díaz que, nesa altura, viña funcionando maiormente como sala de cine, era propiedade particular de catro empresarios viveirenses e atopábase á venda.
O manifesto que redactou o presidente de Sementeira, Hernán Naval Parapar, “Salvemos o Teatro Pastor Díaz !” recollía a “intención colectiva de nos opór por todos os meios na man a que tan fermosísima e valiosa sala sofra xamais a metamorfose do cemento, da uralita e das fiestras de aluminio, e propomos desde xa, como alternativa, a súa adquisición pública por parte da administración autonómica, a súa inmediata recuperación no indispensábel e a xerencia polo concello viveirés dun local destinado a ser sala de respresentacións drámáticas, auditorium, cinematógrafo, verdadeiro centro de cultura”.
Agosto de 1988: unha representación da xunta directiva de Sementeira desprázase a Compostela para entregar en San Caetano as máis de 600 sinaturas de apoio ao manifesto e se entrevistar co daquela Conselleiro de Cultura Alfredo Conde coa finalidade de requerir a colaboración da Xunta na compra do Teatro.
Tamén neste mesmo mes mantivemos unha reunión co edil delegado de Cultura do Concello, Xosé Manuel Ferreiro Fernández, ao que lle informamos da disponibilidade da Consellaría de Cultura para colaborar económicamente na merca do Teatro e instamos ao boberno municipal a concretar os pasos legais desta xestión.
Outubro de 1988: segunda reunión con Alfredo Conde Cid para ultimar detalles na participación da Xunta na merca do Teatro.
Novembro de 1988: a Xunta de Galiza notifica ao Concello que dispón dunha subvención de 15 millóns de pesetas para a compra do Teatro. Neste mesmo mes Sementeira envía un novo escrito á Corporación Municipal solicitando que concreten nunha sesión plenaria a compra do Teatro e urxan á Deputación de Lugo e ao Ministerio de Cultura para que aproben as subvencións pertinentes que, coa aportación do Concello viveirés, sumarían os 30 millóns de pesetas que pedían os donos do edificio.
No ano seguinte a Agrupación seguiu adiante coas súas iniciativas organizando no teatro un espectáculo poético musical, e editando a publicación “Abril no Pastor Díaz”, entre outras actividades.
Até aquí un breve resume do que foi esta campaña da Agrupación Cultural Sementeira durante o ano 1988. Remato lembrando ás persoas que nesa altura compoñían a xunta directiva da Agrupación: Hernán Naval Parapar ( Presidente), Xosé Manuel Cociña Regal ( Viceprersidente ), César Naval Parapar ( Secretario ), Antonia Soto Paz ( Tesoureira), Xulia Canoura Díaz, Balbina López Santos, Ana Vérz López, Xosé Luis Mourelos Regueiro, Xosé Ramón Escourido Basanta e o que isto asina. (Vogais).
Escribo este artigo ao fío da celebración do centenario do Teatro Pastor Díaz. Ben está o acto conmemorativo e a exposición sobre a súa historia, mais teño para mín que se hoxe fose posíbel xuntármonos as que naquel ano 88 facíamos parte da xunta directiva de Sementeira habíamos estar dacordo en principiar unha nova campaña reclamando melloras técnicas que sen dúbida precisa esta sala e tamén unha intervención urxente : botarlle canto antes unha man ao noso teatro e salvalo—desta volta—das humidades que hoxe ameazan o teito e as súas paredes.
“Ao fío dun centenario ( I ) 1988”, por Francisco Luis R. Guerreiro
Relacionado
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
