Ribadeo, 23 de xaneiro de 2020. Concello e Acisa manteñen encontros hoxe en Fitur cunha ducia de axencias de viaxes e turoperadores para dar a coñecer os recursos turísticos de Ribadeo. A promoción céntrase no Camiño Norte, no legado indiano e na praia das Catedrais.
Desde Madrid o concelleiro de Turismo, Pablo Vizoso, explicou que “estamos a facer fincapé en Ribadeo como punto de partida do Camiño Norte, xa que hai moita xente que elixe o noso concello para saír desde aquí e facer esta ruta ata Compostela. Queremos crear unha rede de establecementos amigos do Camiño de Santiago de cara a ir preparándonos para o Xacobeo 2021”.
O edil ribadense sinalou que “sabemos que o peregrino escolle Ribadeo como punto da partida para facer o camiño e o que pretendemos é afianzar a Ribadeo como porta de entrada a Galicia a través do Camiño Norte. Queremos que o peregrino prepare en Ribadeo a súa ruta, que estea con nós un par de días facendo os seus preparativos e que aproveite para coñecernos un pouco máis, co obxectivo de que visite tanto a catedral natural como a espiritual, é dicir para que visite a praia das Catedrais e a Catedral de Santiago de Compostela, os dous monumentos que máis turistas reciben en Galicia”.
Pola súa banda, o presidente de Acisa, Francisco Iriarte, dixo que “o que estamos a facer é manter unha intensa axenda de traballo estes dous días, xoves e venres, co fin de ir conseguindo pouco a pouco que Ribadeo reciba turistas ao longo de todo o ano e non só na Semana Santa e nos veráns. Temos moitos recursos que ofrecer de xaneiro a decembro”. E subliñou que “iso terá unha repercusión importante tanto na hostalería como na restauración e no comercio. A promoción que fagamos de Ribadeo, tanto desde o Concello como desde Acisa será beneficiosa para todas e todos nós”.
Pablo Vizoso intervirá esta tarde na presentación que a Mancomunidade de Concellos da Mariña realizará en Fitur e na que se van presentar cinco experiencias turísticas. Dúas delas serán defendidas polo Concello de Ribadeo: as xeorutas e as audioguías ficcionadas.
O concelleiro de Turismo lembrou que “Ribadeo foi pioneiro en Galicia na posta en marcha das xeorutas, unha iniciativa que xurdiu aló polo ano 2015. Despois outros moitos concellos fixéronse eco desta idea e comezaron a promocionar o turismo xeolóxico, pero os primeiros fomos nós en Ribadeo. Diso vou falar esta tarde e tamén das audioguías ficcionadas coas que contan os Concellos de Viveiro, Mondoñedo e Ribadeo. A nosa está centrada no legado indiano e en Fitur imos facer promoción do noso Ribadeo Indiano”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
