O éxito da relación entre o Porto de Mirasol e a empresa Ence-Navia baséase nunhas peculiares características que require o transporte da pasta de papel. A manipulación da mesma ten que ser coidadosa. Canto máis se ande con ela, máis calidade perde. Así, a presión que hai que exercer sobre cada paquete cada vez que ten que ser trasladado, máis prexudicial será cantas máis veces sexa portado. Á súa vez, tamén son moi importantes as condicións en que se desenvolve o transporte, nomeadamente a limpeza e a calidade do ar. A pasta de papel fabricada por Ence-Navia é de moi boa calidade. Case se podería afirmar que fabrican á carta, segundo o pedido específico de cada empresa compradora.
Como se pode satisfacer desde o porto de Mirasol este nivel de esixencia? Cada vez que chega un barco e descarga, inmediatamente un técnico pode proceder a inspeccionalo e determinar se cumpre as condicións óptimas para o transporte de pasta de papel. Cunha chamada á factoría de Navia ponse en marcha todo o proceso e, en pouco tempo, a mercadoría é trasladada desde a vila asturiana ata Ribadeo. O proceso de manipulación é rápido, eficaz e pouco custoso para a calidade da pasta de papel.
Fronte a este sistema, pódese botar man do ferrocarril. A posta en marcha do proceso de xeito inmediato pérdese. Se se procede a trasladar a mercadoría por tren ata O Musel o proceso alóngase. A disponibilidade de navío non é tan inmediata, habería que manipular a carga ao introducila nos vagóns e volver a manipulala para trasladala ata o barco correspondente. Os tempos de espera agrándanse. As condicións medioambientais serán de peor calidade. Visto o visto, é ben rechamante a maior competitividade do porto de Mirasol con respecto ao do Musel.
+ certo, xa o comentamos anteriormente, que ao ampliar Ence-Navia a súa capacidade de produción, desde Ribadeo hai que aumentar tamén a súa capacidade de carga. Ata o ano pasado, Mirasol podía xestionar ata 200.000 Tm. de produción da papeleira de Navia. Os cambios referidos xa se foron notando (en cantidade de materia producida) ao longo de 2009 e seguen a notarse en 2010, ano no que se agarda que remate o proceso de ampliación. Pois ben: Ribadeo xa ten demostrado ao longo deste ano e medio a capacidade de absorción de nova carga. Pero aínda así, ante esta nova tesitura, cómprelle ir a máis na súa capacidade de traballo (tanto con novas infraestruturas portuarias, como garantindo a capacidade óptima de estiba).
Non é de recibo que, unha vez abandonado o proxecto de construción da nave polo rexeitamento provocado, desde o anterior equipo de xestión de Portos de Galicia non se puxeran en marcha outro tipo de propostas para manter a atención de Ence-Navia sobre Mirasol. Co cambio de responsábel mudaron as cousas. A oferta feita reforza a competitividade do porto ribadense. Con ela non se pretende acaparar todo o mercado; tan só especializar o traballo de Mirasol naqueles aspectos que o fan máis competitivo. Queda marxe para outras mercadorías (a madeira nomeadamente) vía ferroviaria desde O Musel.
Porén, semella que desde o goberno do Principado houbera unha loita sen cuartel contra o Porto de Mirasol. Defenden a súa opción; é normal. Outra cousa é a absurda e prepopotente actitude dalgún responsábel político asturiano. En todo caso, temos que reclamar que Feve adopte unha actitude máis neutral. As declaracións de Ángel Villalba non foron atinadas. De entrada tomou partido abertamente por unha das partes interesadas. Acaso o convenio asinado implica cláusulas descoñecidas que o obriguen a apostar abertamente polo Musel? Ou o que é peor, pretende Feve acaparar todas as mercadorías para o seu transporte (madeira e pasta de papel)? Estaría ben sabelo. Igual lle habería que preguntar ao ministro de Fomento a súa opinión ao respecto.
Farruco GRAÑA
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
