BURELA (FNC) .- A Delegación de Mar de Burela quere poñer en marcha un novo proxecto que, segundo explica Remedios López, “será moi beneficioso para o noso pobo e único en toda Galicia, trátase dun obradoiro de redeiras”.
A edil socialista lembra que “tiñamos un compromiso co anterior equipo do goberno da Xunta de Galicia de que cando saíse a titulación de redeiras se daría luz verde á posta en marcha deste obradoiro, e así fomentar o emprego en Burela e recuperar un oficio que se está a perder. No BOE 227 do 19 de setembro do 2009 crease a titulación de redeiras e dende ese momento o Concello de Burela está a traballar co fin de levar adiante ese proxecto, esperando que o novo goberno da Xunta estea tamén interesado en recuperar a nosa cultura e apoiar ao Concello de Burela”.
Remedios López segue a explicar que “coa publicación da subvención dos talleres de emprego no DOG nº58 do 26 de Marzo do 2010 comeza a coller forma o proxecto. O obradoiro irá destinado a 15 persoas desempregadas sobre todo para grupos de difícil inserción como poden ser mulleres desempregadas, inmigrantes e maiores de 45 anos, e enfócase como un servizo de utilidade colectiva innovador, como rehabilitación do patrimonio natural e cultural da nosa zona pesqueira, que se está a perder por descoñecemento da xuventude e que é necesario para o desenvolvemento das artes pesqueiras. É un proxecto que ten perspectivas de emprego no noso concello e que serviría para sacar a titulación necesaria que ningunha das redeiras en activo ten”.
A concelleira de Mar engade que “neste obradoiro as clases teóricas desenvolveríanse no centro de formación ocupacional e as prácticas na nave de redes a través dun convenio que faríamos coa cofraría de pescadores San Juan Bautista.Tamén dentro deste módulo iría un curso para sacar a tarxeta profesional de mariñeiro pescador e outro de creación de empresas e sobre todo de cooperativas coa idea de que cando rematen poidan darse de alta e formar unha cooperativa para coser as redes dos armadores de Burela, que moitos deles as levan a Portugal”.
Remedios López suliña que “o noso pacto abrangue seis cofradías Burela, Celeiro, Foz, Ribadeo, San Ciprian e O Vicedo contamos con: 34 arrastreiros, 57 palangreiros de fondo e 28 de superficie, 14 cerqueiros, 2 volanteiros, 93 lanchas de artes menores e 10 lanchas percebeiras, entre outras”.
A edil de Mar manifesta que “a pesca é un dos inxectores da economía da Mariña, grazas á pesca conséguense importantes ingresos económicos e turísticos que fan que A Mariña lucense se desenvolva e medre. Sen embargo notamos unha falta de titulacións de formación integral das tripulacións dos barcos pesqueiros de altura, de litoral e de cabotaxe tanto na sección de ponte, de máquinas ou de redeiras, todas elas necesarias para poder sacar o barco ao mar. Non existe ningunha escola oficial náutico pesqueira na Mariña para que suavice as trabas de formación existentes, co cal vemos necesaria a necesidade de obradoiros de emprego para ir recuperando esta formación e integración de grupos desfavorecidos e desempregados na inserción dun posto de traballo”.
López Villar tamén apunta que “no Parlamento de Galicia aprobouse recentemente por unanimidade de todos os grupos políticos unha iniciativa do PP para a creación dun selo distintivo que implique o cumprimento da normativa de enmalle, a elaboración do aparello por unha redeira legal e a calidade dos materiais á hora de fabricar as redes. A proposta, solicitada polas redeiras, pretende ademáis detectar e denunciar as actividades ilegais e clandestinas, frenando o intrusismo na profesión mediante un programa específico de inspección laboral. Ademáis de tentar paliar a precariedade do sector e impulsando asociacións”.
Este obradoiro, que se denominaría FARO DE BURELA IV e que se aprobará na xunta de goberno do Concello de hoxe luns 12 de abril, “pasaría á seguinte fase que sería presentalo antes do 15 de abril para a súa aprobación por parte da Consellería de Traballo. O módulo de redeiras tería un custe de 322.000€ e ademáis deste haberá outro de xardinería e albanelería”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
