Burela a 3 de febreiro de 2020. A CIG-Saúde da Mariña vén de presentar con data 31/01/2020 e hora 13:28 h denuncia perante a Inspección de Traballo de Lugo por unha posible infracción en materia de seguridade e saúde, e en cumprimento da Lei de Prevención de Riscos Laborais, polas deficiencias estruturais en determinadas consultas do Centro de Saúde de Viveiro.
A CIG-Saúde da Mariña novamente denuncia que o centro de saúde de Viveiro está a rexistrar principalmente na época estival unha temperatura media de entre 29 e 31 graos centígrados en determinadas consultas, “o que incumpre a normativa legal vixente sobre as máximas autorizadas non só nun centro asistencial senón en calquera lugar de traballo”.
Consultas afectadas e consecuencias para a saúde.
Concretamente as consultas afectadas do Centro de Saúde de Viveiro son a n.º 25, 26, 27, 28, 29 e a Sala de Xuntas (onde se realizan actividades grupais, reunións de equipo e tamén se usa como área de descanso).
Segundo sinalan, esta excesiva calor, que supera o máximo estimado para o risco de tensión térmica (a partir de 27º C), está a afectar a traballadores/as, pacientes e usuarios/as, e lembra que existe un risco potencial de desmaio por estas altas temperaturas.
Ademais, puntualizan que, segundo a normativa legal vixente, a temperatura en centros onde se realicen traballos sedentarios propios de oficinas e tarefas similares deberá estar comprendida entre 17 e 27º C, e naqueles onde se fagan traballos lixeiros entre os 14 e 25º C.
“Os e as profesionais levan tempo demandando unha solución para unha situación que se repite todos os veráns”, lembran, ·ao tempo que sosteñen que “a Xerencia de Lugo-A Mariña-Monforte é coñecedora polas canles oficiais e legais establecidas do que está a acontecer o 09/11/2019 e o 20/12/2020 sen obter resposta nin solución”.
Detallan que segundo o Instituto Nacional de Seguridade, Saúde e Benestar no Traballo -dependente do Ministerio de Emprego-, “unha temperatura inadecuada, e máis se é superior aos 27º C, pode producir catarros, molestias e incomodidade aos traballadores/as, afectando o seu benestar, á execución das súas tarefas e ao seu propio rendemento laboral”.
Fundamentos nos que se apoia a denuncia perante Inspección de Traballo.
Segundo os feitos expostos, estanse a producir diversos incumprimentos á normativa en materia de prevención de riscos laborais, explican, en concreto e entre outros en relación a:
– Lei 31/1995 de Prevención de Riscos Laborais, artigo 14, 16;
– R.D. 486/1997, disposicións mínimas de seguridade e saúde nos Lugares de Traballo; Art. 7 e Anexo III (Condicións Ambientais), onde se recolle:
Art. 7.1 A exposición ás condicións ambientais dos lugares de traballo non deberá supoñer un risco para a seguridade e saúde dos traballadores.
Anexo III. 2. As condicións ambientais dos lugares de traballo non deben constituír unha fonte de incomodidade ou molestia para os traballadores. A tal efecto, deberán evitarse as temperaturas e as humidades extremas, os cambios bruscos de temperatura, as correntes de aire molestas …
3. Nos locais de traballo pechados deberán cumprirse, en particular, as seguintes condicións:
a. A temperatura dos locais onde se realicen traballos sedentarios estará comprendida entre 17 e 27 ºC
b. A temperatura dos locais onde se realicen traballos lixeiros estará comprendida entre 14 e 25 ºC
-Segundo o R.D. 1027/2007 de 20 de xullo, polo que se aproba o RITE (actualizado polo R.D. 1826/2009 e 238/2013) os valores da temperatura operativa estarán comprendidos entre 21 e 23ºC con tempo invernal e entre 23 e 25ºC no verán.
Actuacións.
As actuacións, segundo explica a central nacionalista, pasarían pola adaptación das fiestras, equipos de climatización, e estores para diminuír a temperatura, mais nunca se executa.
A Xerencia de Lugo nin responde nin actúa.
Ante a falta de resposta e actuación da Xerencia da Área Sanitaria de Lugo-A Mariña-Monforte a CIG-Saúde decidiu, como último recurso, presentar esta denuncia na Inspección para que proceda a realizar os requirimentos por incumprimento da normativa e á adopción das medidas legais oportunas, e así dese xeito, a Xerencia de Lugo (de quen depende a Atención Primaria e Centros de Saúde) solucione as deficiencias estruturais para evitar os problemas de saúde do persoal, xa que na consulta de saúde pública dependente da Xunta tomáronse medidas instalando climatizador, namentres que nas consultas dependentes do SERGAS persiste o problema.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
