Nota de Prensa
O BNG AMÓSASE PREOCUPADO POLAS DECLARACIÓNS EFECTUADAS HOXE POLO PRESIDENTE DA XUNTA SOBRE O CONVENIO URBANÍSTICO DE BARREIROS. OS NACIONALISTAS PREGÚNTANSE CAL É A FÓRMULA QUE ASEGURA QUE OS MÁIS DE 7 MILLÓNS DE EUROS QUE LLE CORRESPONDEN AO CONCELLO SERÁN APORTADOS POLOS PROMOTORES.
Barreiros, 15 de abril de 2010. O BNG pregúntase cal é a fórmula non contemplada no convenio para urbanizar determinadas zonas de Barreiros mediante a que se asegura que os máis de sete millóns que lle corresponden ao Concello os van a aportar os promotores. Os nacionalistas lembran que o convenio foi cifrado en 14.180.281€, o Concello ten que poñer máis do 50%, concretamente 7.237.765€, a Xunta 5.692.516,18€ e a Deputación de Lugo 1.250.000€.
Di o BNG de Barreiros que “recordando a experiencia do convenio para o abastecemento de auga de xullo de 2006, donde 25 promotores se comprometeran a aportar 3,6 millóns de euros e só se puideron efectivizar 7 avais de 7 promotores por importe 1.200.000€, malamente se vai poder crer que agora se aporten estes cartos por parte das promotoras, nunha situación económica e financeira moi diferente á de 2006, co crédito pechado para as empresas. Polo tanto, ainda contando con 1.200.000€ do convenio da auga de 2006, se os promotores non poñen os 6 millóns de euros restantes, esta cantidade teríana que poñer os veciños de Barreiros”.
Os nacionalistas parécenlles preocupantes “as declaracións de hoxe de Núñez Feijoo dicindo que se o Concello (os promotores) non poñen a súa parte, a Xunta tampouco poñerá a súa. A situación de embrollo arredor deste convenio é tal que no PP non saben xa por onde sair. Iso sí, o que os nacionalistas temos claro é que non imos permitir que os veciños de Barreiros teñan que pagar os 6 millóns de euros ou os 12 millóns, se é que a Xunta tampouco vai poñer a súa parte”.
Desde o BNG apuntan que “haberá que preguntarlle aos 3.000 barreirenses se están dispostos a poñer cada un 4.000€ para legalizarlle as urbanizacións aos promotores. O PP creou un problema en Barreiros e aos barreirenses, pero tamén tén un problema en Barreiros, que é nin mais nin menos que seguir mantendo ao frente da alcaldía ao alcalde e aos membros da xunta de goberno que nos levaron a esta situación. Por iso agora Feijoo sempre se sinte incómodo cando lle mencionan a Barreiros”.
Tamén afirman desde o BNG que “a diferencia do que dixo o alcalde en días pasados, isto non é unha festa, pois vistas as declaracións do Presidente da Xunta, a festa pode resultar pasada por auga. As consecuencias da festa que en outubro de 2006 fixeron Concello, promotores e Deputación en Remior para vender promocións urbanísticas trouxo estas consecuencias. A aquela festa (tamén finaciada con cartos públicos) chamáronlle Barreiros vai de gala, que o sentir popular xa lle deu en chamar Barreiros vai de……”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
