Santiago de Compostela, 17 de Marzo 2020.- A portavoz nacional, Ana Pontón, arrancou a súa comparecencia, tras a reunión por videoconferencia co presidente da Xunta e co resto das forzas políticas, cunha mensaxe de recoñecemento e orgullo polo papel do pobo galego ante a crise do coronavirus, e cun sentido agradecemento ao extraordinario labor e entrega do persoal sanitario e de todas e cada unha das persoas que están traballando en servizos imprescindibles correndo riscos en beneficio do conxunto da cidadanía.
Palabras de alento, tamén, para as persoas que padecen o virus e, moi especialmente, para as familias que perderan un ser querido. “Non están soas”, subliñou.
Pontón volveu destacar que a única prioridade é combater a pandemia e nese sentido o BNG traballa “para estar á altura e dar o mellor de nós para loitar contra este virus”. Xunto coa prioridade de sumar no que faga falta para minimizar os efectos sobre a saúde das persoas, a líder nacionalista apuntou a outra derivada da crise que preocupa, e moito, á formación que dirixe: a repercusión sobre a economía e o emprego.
No ámbito sanitario, trasladou a preocupación do BNG pola expansión do virus, tras insistir en blindar Galiza e mostrarse crítica coa decisión de non pechar aqueles territorios cun importante foco de coronavirus. “Dixemos que foi un erro non ter pechado os territorios que foron foco da expansión e os feitos dannos lamentablemente a razón, -indicou-, por iso hai que tomar medidas máis contundentes e blindar Galiza porque se ten demostrado que a restrición de movementos é unha medida eficaz para frear a expansión do virus”.
“O Estado ven de establecer fronteiras con Portugal e con Francia, e Baleares ven de pecharse con cen casos. Aquí temos moitos máis e por iso dicimos que hai que blindar Galiza e bloquear portos, aeroportos e as principais vías de comunicación, non se pode agardar máis porque é unha medida efectiva”, alegou.
Nesta liña de protección da saúde a poboación, o BNG propón tamén paralizar toda a actividade económica que non sexa indispensable, para protexer ao máximo a todos os traballadores e traballadoras dun risco de contaxio.
Evitar a destrución de emprego
No ámbito económico e laboral, a portavoz nacionalistas considera esencial “a seguridade económica das familias e das empresas do país, para evitar a destrución de emprego, que as persoas teñan garantidos os seus ingresos vitais, e que non se deixe caer a ninguén e a ningunha empresa do noso país”, explicou.
Neste sentido, Pontón cualificou de “insuficientes” ás medidas anunciadas polo presidente do Goberno central, Pedro Sánchez, e mesmo tildou de avaras ás medidas que van dirixidas directamente á persoas qu poden perder ou ver recortados os seus ingresos polas consecuencias do estado de alarma. En concreto, citou cuestións como o pago da hipoteca, alugueiro ou facturas de servizos básicos.
“Son rácanas e insuficientes as medidas destinadas as persoas que poidan pasar e estar nunha situación de vulnerabilidade, por exemplo, cando se fixa unha moratoria nas hipotecas mentres noutros países do entorno se establece a condonación. Desde o BNG propoñemos que se condonen como mínimo 3 coutas de hipoteca, se salvamos a banca con máis de 60.000 millóns de euros agora é o momento de que nos devolvan unha parte dese rescato feito co esforzo de todos e de todas”, argumentou.
Igualmente, o Bloque pide eximir tamén durante tres meses do pago das facturas da luz, auga ou gas para todas as persoas, asalariadas ou autónomas, e tamén para as empresas afectadas nos seus ingresos polas medidas decretadas ante a pandemia. No ámbito económico e laboral, recalcou, “a prioridade é actuar para evitar a destrución de emprego, evitar que milleiros de persoas queden tiradas pola crise”, recalcou. “Non podemos permitir que a crise a paguen os de sempre”, sentenciou.
Desde o consenso e a máxima garantía xurídica
En relación a decisión de deixar sen efecto o proceso electoral do cinco de abril, o BNG mantén o que leva días propoñendo: suspender os comicios e retomar a cita coas urnas cando a crise estea totalmente superada e en condicións adecuadas que garantan o dereito ao voto, decisión sempre desde o consenso político, coas máximas garantías xurídicas e cun horizonte claro.
“Esa foi a decisión adoptada na reunión de hoxe: cancelar as eleccións coa máxima seguridade posible e cun criterio claro para retomar o proceso que non é outro que cando a crise estea superada. A urxencia neste momento e superar a crise sanitaria, a prioridade total. A partir de aí poñemos o contador porque queda nun segundo plano a competición electoral”, subliñou, ao tempo que se congratulaba pola capacidade de consenso das forzas políticas.
Anomalía democrática
Pontón tamén trasladou que é preciso que o Parlamento teña un funcionamento, a través da Deputación Permanente, o máis completo posible porque estamos nunha situación de “anomalía democrática” e a sociedade necesita ver un parlamento “que funciona” e que o poder lexislativo desempeñe un papel activo para saír da crise. O BNG xa remitiu ao resto de grupos unha proposta para que a DP funcione como “un parlamento en pequeno” tras levantarse o estado de alarma, adoptando con medidas de impulso e de control, “lanzando unha mensaxe de unidade entre todas as forzas”.
“E importante que o poder lexislativo que máis representa a vontade popular teña un papel activo para saír canto antes desta situación de emerxencia”, concluíu.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
