Viveiro, 20 de marzo, 2020. A Xunta Directiva da Asociación de Comerciantes Centro Histórico de Viveiro, derivado da situación actual motivada pola crise do COV19, vese na obriga de suspender tódalas actividades de dinamización comercial que tiña programadas para as próximas datas. Isto afecta á cancelación da Feira de Vodas “Viveiro Vai de Voda” que se ía celebrar do 17 ó 19 de Abril.
Temos por diante un período de incertidume económica no que se van ver afectadas moitas empresas, pequenos comercios, autónomos e tódolos seus traballadores polo cese da actividade económica.
Os negocios van pasar grandes dificultades debido a esta interrupción da actividade que se decretou, e a nós como Asociación comercial correspóndenos estudiar e facilitar a aplicación de axudas que poidan recibir e que lles poidan axudar a paliar a situación, por iso seguimos traballando para axudarlles na medida do posible dende o noso colectivo.
Facendo un importante esforzo para a asociación, considerando o seu limitado presuposto, eximiremos ós nosos asociados do pago da cota do próximo mes.
Esperando a súa boa predisposición, como ven sendo habitual ca nosa Asociación, gustaríanos nos próximos dias establecer un diálogo de traballo co Concello de Viveiro para valorar as posibles medidas que dende o goberno local se poden levar a cabo para minimizar o impacto económico que esta crise vai deixar nun sector de vital importancia para a economía de Viveiro.
Tamén apelamos á solidaridade dos arrendadores dos locais para que, na medida do posible, flexibilicen o pago dos importes dos alugueres.
E sobre todo, apelamos á conciencia da cidadanía, o comercio e hostalaría local dan vida ás nosas rúas, organizan campañas de promocións, sorteos, concursos, premios, colaboran con clubes deportivos, asociacións culturais, colexios da zona, festas de toda a contorna, en definitiva… dinamizan a economía local. Cando esta situación cese e poidamos abrir de novo as portas, remontar vai ser moi complicado, e sen o apoio dos clientes non será posible. Animamos a todos a mercar no comercio local, apoiando non só a comerciantes senón a amigos e veciños que son os que están detrás dos mostradores sacando adiante o seu negocio con moito esforzo. Non nos deixemos levar polas compras compulsivas por internet e apostemos polo comercio de proximidade. Estes dias, no pouco tempo que podemos estar na rúa para facer as compras de primeira necesidade, vemos rúas baleiras, desertas, unha vila fantasma, sen vida algunha nin movemento… ¿queremos que sexa algo temporal? ¿Ou corremos o risco de que se converta en algo permanente? ¿Queres vida na túa vila? Toma conciencia en merca e consume nos negocios locais. Os comercios e hostaleiros vano poñer todo da súa parte.. apoiémolos e entre todos fagamos que as nosas rúas recobren vida.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
