NOTA DE PRENSA:
Ismael Rego, deputado no Parlamento, foi substituído por un descoñecido cordinador comarcal, de menor relevancia, para efectuar o balance de xestión da nova Xunta
O PSOE É CONSCIENTE DE QUE A MARIÑA GAÑOU NO PRIMEIRO ANO DE GOBERNO FEIJÓO E POR ISO OS SEUS PRINCIPAIS DIRIXENTES NON DAN A CARA
* En menos de quince liñas os socialistas despachan 365 días de Goberno, criticando precisamente os ámbitos no que peor o fixo o bipartito: infraestruturas, sanidade e educación.
A Mariña, 19 de abril de 2010.- O Partido Popular considera moi significativo que o balance feito polo PSOE comarcal ao respecto do primeiro ano de Goberno de Alberto Núñez Feijóo non estea efectuado polo parlamentario socialista pola Mariña, Ismael Rego, senón por un descoñecido coordinador comarcal, isto é, por un portavoz de moito menos peso político e de pouca relevancia no organigrama do partido. A devandita situación demostra -en opinión dos populares- que os socialistas “non teñen nada que dicir, nin posición que defender, conscientes de que A Mariña lucense gañou co cambio de Goberno e coa marcha do bipartito”-concluíu Balseiro
Entenden como “especialmente chamativo” que os socialistas se limiten a publicar unha nota de valoración de menos de quince liñas para falar da nosa comarca e na que ademais critican precisamente os ámbitos nos que peor o fixo o bipartito: infraestruturas, sanidade e educación.
“O mesmo PSOE que desde o Goberno central paraliza a execución do corredor no seu treito estatal (San Ciprián-Barreiros) cuestiona o traballo da Xunta actual, pese a ser a que por primeira vez na historia foi un Goberno do PP o que adxudicou o primeiro treito en obras na provincia de Lugo (o treito San Ciprián-Celeiro). Falan tamén do Hospital, cando o bipartito foi incapaz de desenvolver unha soa mellora en catro anos, e o PP xa comprometeu tres obras distintas. E falan de sanidade, non para pedir perdón por toda esa xente á que o bipartito escondía da lista de espera oficial, negándolle a asistencia médica debida, senón para criticar que agora sexa un dato real e si se lles preste este servizo público”
Os populares afirman que a mellor proba de que o PP o está a facer ben na Xunta é o desinterese e a falta de iniciativa que amosa o PSOE despois dun ano de Goberno e, de xeito, especial que “os seus primeiros espadas, como é o deputado no Parlamento de Galicia Ismael Rego, non se atrevan a dar a cara”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
