Viveiro, 2 de abril de 2020. O Concello de Viveiro quere facer hoxe, coincidindo co Día Mundial de Concienciación sobre o Autismo, un chamamento a conseguir a inclusión plena das persoas con diversidade funcional.
A data de hoxe pretende poñer en relieve a necesidade de contribuir á mellora da calidade de vida das persoas con autismo, para que poidan levar unha vida plena e gratificante como parte integrante da sociedade.
Unha data realmente importante que este ano corresponde celebrar nunha situación complexa, inmersos nun confinamento que resulta especialmente difícil para todas aquelas persoas afectadas por este transtorno ou que presentan calquera outro tipo de diversidade funcional.
“Dunha maneira especial, quero facer fincapé no que isto supón para os nenos e nenas con autismo ou con outro tipo de diversidade funcional, pero tamén para os nenos e nenas, en xeral, que nas últimas semanas están a darnos unha gran lección, sendo cada vez máis pacientes e sabendo sobrelevar cada día deste confinamento con alegría e ánimo, actitudes realmente importantes nestes momentos”, asegura a alcaldesa de Viveiro, María Loureiro.
“Quero aproveitar a ocasión, así mesmo, para facer un chamamento á concienciación co obxectivo de conseguir a inclusión plena das persoas con diversidade funcional e incidir na necesidade de desenvolver accións e iniciativas que dean visibilidade a este colectivo e que sirvan para sensibilizar á sociedade, facilitándolles, ao mesmo tempo, os medios e instrumentos necesarios para mellorar a súa calidade de vida”, engade.
O Concello de Viveiro considera que esta efeméride “debe servirnos para reflexionar e para que cada un de nós, como parte da sociedade, atopemos o camiño a seguir para conseguir unha inclusión e tolerancia efectivas das persoas con diversidade funcional”.
“Somos conscientes do gran esforzo que este colectivo está a realizar e hoxe queremos ter un recordo especial para todos eles, unha homenaxe que facemos extensible, así mesmo, a todos os nenos e nenas”, remata a alcaldesa.
Como mostra de recoñemento, diversas patrullas dos corpos e forzas de seguridade realizarán hoxe un percorrido, nos seus vehículos, dende Covas ata chegar ao Ambulatorio, para facer coincidir a súa chegada cos aplausos que diariamente lles brindamos, ao persoal sanitario, ás 20:00 horas.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
