Lugo, a 14 de abril de 2020. A crise sanitaria provocada polo coronavirus COVID-19 leva aparellados problemas de gran calado para a economía nacional, en xeral, e para a lucense en particular. Os deputados provinciais do PP non tiveron resposta á súa solicitude ao presidente da Deputación para que convocase una reunión telemática de portavoces para analizar as medidas que debe adoptar esta institución tanto no que atinxe á crise sanitaria como á crise económica que se deriva dela. Diante do desinterese do presidente da Deputación, José Tomé, os populares inician unha rolda de contactos con representantes dos principais sectores produtivos da provincia para coñecer de primeira man as súas necesidades na presente conxuntura e deseñar as medidas que deben ser adoptadas pola institución provincial. O portavoz popular, Javier Castiñeira, aclara que a intención do seu grupo era que as medidas a adoptar se deseñaran coa participación de todos os grupos da corporación, pero resulta imposible porque o presidente, José Tomé, deixa clara unha vez máis a súa falla de talante dialogante e o seu desinterese por resolver os principais problemas da provincia.
Castiñeira iniciou hoxe a rolda de contactos, vía telefónica, con representantes dos distintos sectores produtivos, en concreto coa Federación de Comercio (José María Seijas e José Carlos Paleo) e dos hostaleiros (Cheché Real, presidente da Asociación Provincial de Hostalería). A análise que fan da actual conxuntura é que “a situación é malísima”, con previsións moi malas de cara ao próximo verán e con perspectivas moi poucos optimistas para o conxunto do ano.
O portavoz popular di que hostaleiros e comerciantes demandan axuda das institucións e sinaladamente da Deputación para reducir nestes sectores o impacto económico e laboral da crise sanitaria. Comerciantes e hostaleiros coinciden na necesidade de reforzar as posibilidades de supervivencia dos negocios mediante campañas institucionais para xerar confianza entre clientes e usuarios. E tamén son precisas accións institucionais para facilitar o acceso a créditos bancarios adaptados a esta especial situación, así como unha maior flexibilidade nos ERTE, ademais de buscar fórmulas para rebaixar a presión fiscal.
Castiñeira destacou a disposición do PP a buscar fórmulas de apoio a estes sectores, sinaladamente na Deputación. Do goberno presidido polo socialista José Tomé destaca que non está á altura das circunstancias nun momento tan delicado como o actual, como o demostra o feito de que esquece aos autónomos e ao pequeno comercio da provincia. Ao longo da xornada, Castiñeira falou tamén co xerente da Asociación Provincial de Empresarios da Construción, Eugenio Corral; presidente da CEL, Jaime López, e a presidenta de Jóvenes Empresarios, Noelia López.
O portavoz popular lamenta que Tomé non atendese a solicitude do PP para convocar unha reunión telemática da xunta de portavoces da Deputación e anuncia que seguirá a súa rolda de contactos cos representantes dos sectores produtivos. Está convencido de que o organismo provincial pode e ten que xogar un papel moi relevante para axudar a saír da difícil situación económica provocada pola crise sanitaria; di que a Deputación ten que actuar decididamente para a reactivación da economía provincial.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
