A Coruña, 18 de abril de 2020. O delegado do Goberno en Galicia, Javier Losada, celebrou hoxe o acordo do Executivo cos sindicatos e as compañías titulares de centrais térmicas de carbón para manter o emprego nas Pontes e Meirama. A través da Vicepresidencia Cuarta, que engloba o Ministerio para a Transición Ecolóxica, e o Ministerio de Traballo e Economía Social, produciuse a firma telemática das bases dos Convenios de Transición Xusta.
Ademais das ministras Teresa Ribeira e Yolanda Díaz, o documento foi rubricado polas empresas Endesa, Naturgy e Iberdrola e os titulares das secretarías xerais de CCOO Industria e UXT FICA. O documento recolle os compromisos de cada unha das partes para apoiar aos traballadores e os territorios das zonas afectadas polo peche de centrais térmicas. Os seus focos de actuación prioritaria son o mantemento do emprego nos territorios e a súa dinamización económica e industrial, ligados ao despregamento de enerxías renovables e outros proxectos.
Javier Losada agradeceu ás partes o seu traballo para chegar a esta firma, que supón un novo paso para o mantemento da actividade en dous centros de traballo con moito peso en Galicia. Apostou pola “procura colectiva de solucións” para conseguir a conversión das centrais das Pontes e Meirama, de maneira que consigan manter a actividade industrial, xerar riqueza e, á vez, maximizar o coidado ambiental e lograr unha descarbonización xusta.
O delegado do Goberno detallou que as empresas asinantes comprométense ao desenvolvemento de plans de acompañamento para as zonas afectadas, aproveitando as oportunidades asociadas ás diferentes liñas de negocio que se identifiquen para cada territorio. De igual modo, traballarán para o mantemento do emprego mediante a recolocación dos postos directos e a priorización da contratación dos traballadores de empresas auxiliares.
O Goberno, pola súa banda, ofrecerá apoios para a realización dos Convenios de Transición e o mantemento do emprego para os traballadores afectados, a través de formación e plans de inserción. O Executivo comprométese a traballar na procura proactiva de investidores con proxectos que poidan localizarse nas zonas afectadas, tendo sempre en conta as características e as particularidades de Galicia.
COMISIÓN DE SEGUIMENTO
Segundo o acordado polas partes, crearase unha Comisión de Seguimento que velará polo cumprimento do acordo e que estará conformada por un número idéntico de representantes da Administración Xeral do Estado, as empresas e as organizacións sindicais. Reunirase cada 6 meses de modo ordinario para coñecer os detalles relacionados coa marcha do acordo, e de maneira extraordinaria sempre que o solicite unha das partes.
CONVENIOS DE TRANSICIÓN XUSTA
O obxectivo prioritario destes Convenios é o mantemento e a creación de actividade e emprego nas comarcas afectadas polo peche de centrais térmicas de carbón, a través do acompañamento a sectores de actividade e colectivos en risco, a fixación de poboación nos territorios e a promoción dunha diversificación e especialización da actividade económica en coherencia co contexto socioeconómico. Supoñen a materialización da Estratexia para a Transición Xusta, que forma parte do Marco de Enerxía e Clima.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
