Lugo, 8 de maio de 2020. A subdelegada do Goberno, Isabel Rodríguez, informou de que veñen de retomarse as obras de construción do novo Centro da Seguridade Social en Viveiro, logo da paralización das mesmas durante dous meses e medio.
Isabel Rodríguez explicou que as obras retomáronse esta semana unha vez autorizada a súa continuación polo director provincial do Instituto Nacional da Seguridade Social, Juan José Rodríguez Gude.Os traballos de edificación do novo Centro de Atención e Información da Seguridade Social de Viveiro estiveron parados temporalmente, desde o 13 de febreiro ata o día 7 de maio. Nun primeiro momento, a obra interrumpiuse para facer un pequena modificación no proxecto e, unha vez autorizada, non foi posible retomala ata esta semana debido á declaración do Estado de Alarma o pasado 14 de marzo.
A continuación das obras foi autorizada logo dunha xuntanza telemática que mantiveron o pasado día 6 responsables da Seguridade Social, da dirección da obra e a empresa construtora. Previamente a empresa presentou un anexo ao plan de seguridade coas medidas de seguridade e hixiene que se comprometeu a adoptar dada a situación de alerta sanitaria motivada polo epidemia do COVID-19.
MELLORAR O SERVIZO A 12.000 CIDADÁNS
O Ministerio de Traballo, Migracións e Seguridade Social está a construir este novo Centro da Seguridade Social, no que inviste 844.000 euros, para mellorar o servizo que dá a toda a Mariña Oriental. Anualmente, as oficinas da Seguridade Social de Viveiro atenden a 12.000 cidadáns.
A creación deste equipamento, ademais de mellorar a atención aos cidadáns, permitirá liberar espazos que poderán ser utilizados polo Instituto Social da Mariña de Celeiro así como polos servizos sociais da Xunta.
A execución da obra foi adxudicada á empresa de Foz Construcciones Jesús Naray.
EDIFICIO DE UNHA PLANTA
O novo Centro da Seguridade Social de Viveiro será un edificio rectangular, de aproximadamente 33×14 metros, e con unha única planta. A superficie construída será de 404 m2 e a útil de 368m2, dos que 294 destinaranse a área administrativa, que incluirá zona de atención aos cidadáns e de espera, zona de autoxestión informática a disposición dos cidadáns, vestíbulo, sala de reunión, etc. Os 74 m2 restantes resérvanse para aseos, arquivo, almacén e área técnica.
O proxecto prevé a construción dun inmoble exento, acristalado e diáfano na zona administrativa, con unha pastilla opaca na parte traseira, na que se ubican os locais técnicos e de servizo. Na parte posterior crearase unha zona de aparcamento con capacidade para 11 automóbiles, 1 praza reservada para discapacitados e área para o estacionamento de motocicletas e bicicletas.
Este equipamento levántarase nunha parcela propiedade da Tesourería Xeral da Seguridade Social, situada na avenida de Ramón Canosa, número 6, a carón do edificio de Correos e fronte á zona portuaria. Trátase dun solar dotacional do Plan Parcial Lodeiro-Lavandeiras que ten unha superficie de 1.490 m2.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
