Santiago de Compostela, 4 de xuño 2020. Con 534 despedimentos anunciados, antesala do peche de ALCOA, unha comarca en vilo e miles de empregos en risco, a portavoz nacional, Ana Pontón, pediu no Parlamento actuar de inmediato para garantir a produción e os postos de traballo na factoría de San Cibrao explicou a proposta do BNG: intervención pública e fin do espolio enerxético.
“Desde o minuto cero puxemos sobre a mesa unha solución viable e executable de xeito inmediato, unha solución con dúas patas: intervención por parte da Xunta e do Estado para nacionalizar ALCOA e tarifa eléctrica galega que permita ter un prezo competitivo da enerxía, porque temos que acabar co espolio enerxético que pon en risco miles de empregos polos custes enerxéticos nun país rico en electricidade”, argumentou Pontón durante o debate na Cámara.
Unha alternativa “real, factible e legal”, salientou a líder nacionalista, para cuxa execución se dispón de fondos tendo en conta que o Estado ten previsto recibir 140.000 millóns de euros da Unión Europa.
“Por favor, non nós digan que non é posible os mesmos que non tiveron empacho en nacionalizar a banca con 90.000 M€, os mesmos que puxeron sobre a mesa 5.000 M€ para rescatar as radiais madrileñas, queren agora convencernos de que non é posible intervir ALCOA para preservar miles de postos de traballo?”, interpelou Pontón, tras lembrar que os países do entorno están levando a cabo intervencións públicas para rescatar empresas estratéxicas, empezando pola chanceler Angela Merkel.
“Nin o marco normativo galego, nin o do Estado nin o da Unión Europea impiden a nacionalización de ALCOA, non existe impedimento legal e vai haber recursos porque o Estado terá acceso a 140.000 M€ de fondos europeos. Polo tanto, o único que se necesita é vontade política que nos permita saír de aquí cun acordo a favor do país, para preservar o emprego e salvar unha comarca enteira”, salientou, “non lle falten ao respecto a este país, non lle falten ao respecto as familias que temen polo seu futuro e polo futuro dos seus fill@s, porque na Mariña hai casas con até tres xeracións traballando na factoría de ALCOA, avós, pais e fillos”.
Neste sentido, a líder nacionalista criticou que, mesmo nesta situación de emerxencia industrial, PP e PSOE exerzan unha defensa de parte en lugar de dar a cara pola xente.
“Por unha vez, as forzas estatais poden deixar de utilizar Galiza como arma arreboladiza na súa estratexia de confrontación partidista e aportar solucións? Parece que non, que Galiza é sempre a última carta da baralla e o demostran sempre que poden, sen ir máis lonxe, fai apenas uns días no Congreso cando PP-PSOE-Podemos asinaron un escrito a favor da factoría de NISSAN en Catalunya, pero foron incapaces de facelo para apoiar ALCOA-San Cibrao”, denunciou Pontón.
Feixóo: ausente, desleal e fakerelato
A líder do Bloque foi moi crítica coa ausencia do xefe do Executivo nun pleno non que se debatía o futuro de miles de empregos e da continuidade dun sector estratéxico. “Un Feixóo ausente, escapista, incompetente e desleal con Galiza”, de feito considerou “a quintaesencia” da deslealdade que unha semana despois de terse anunciado medio millar de despidos o presidente da Xunta “aínda non tivese tempo de reunirse cos traballadores e traballadoras de ALCOA”.
“Non se pon á fronte para dar solucións ante unha situación dramática nin é capaz de dar cara, pero que teñan claro que o fakerelato do PP, que o fakerelato de Feixóo xa non lle cola a ninguén, xa non engana a ninguén”, salientou.
“Estamos como estamos”, argumentou, “porque o Goberno do PP de Raxoi aprobou un marco enerxético que é unha ruína para a industria galega e porque o Goberno do PSOE de Sánchez continuou con ese marco enerxético sen facer nada, estamos como estamos porque o presidente-ausente tivo como gran aportación vetar sistematicamente a tarifa eléctrica galega que reclama o BNG, para conseguir algo que entende todo mundo menos el: que Galiza ten dereito a beneficiarse da súa riqueza”.
“Eu non estou polo labor de deixar caer máis empresas neste país e non imos permitir que A Mariña perda o seu principal sustento económico, nin que Galiza perda a produción estratéxica de aluminio, o BNG non lle vai fallar aos galegos e as galegas e demostraremos que non hai nada imposible se hai vontade política e ganas de sacar este país adiante, e no Bloque temos as dúas”, concluíu.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
