CERVO .- O Concello de Cervo anuncia que nos vindeiros días darán comezo as obras de mellora da rede de abastecemento de auga do municipio. Esta actuación foi licitada o pasado mes de febreiro pola empresa pública de Servizos Hidráulicos da Consellería de Medio Ambiente por un importe de 209.767 euros
Nota de Prensa
AS OBRAS DE MELLORA DA REDE DE ABASTECEMENTO DE AUGA DO MUNICIPIO DARÁN COMEZO NOS VINDEIROS DÍAS
* Técnicos de Augas de Galicia e da empresa encargada de levar adiante estas melloras reuníronse hoxe co alcalde e cos técnicos municipais para realizar os traballos previos ao inicio das obras
* Esta actuación foi licitada o pasado mes de febreiro pola empresa pública de Servizos Hidráulicos da Consellería de Medio Ambiente por un importe de 209.767 euros
Cervo, 27 de abril de 2010.- Esta mañá desprazáronse ata o Concello de Cervo técnicos de Augas de Galicia e tamén da empresa encargada de levar adiante os traballos de mellora da rede de abastecemento de auga a distintos núcleos de poboación do municipio, obras que previsiblemente dean comezo nos vindeiros días e se prolonguen por un período aproximado de nove meses.
Esta actuación foi licitada o pasado mes de febreiro pola empresa pública de Servizos Hidráulicos da Consellería de Medio Ambiente por un importe de 209.767 euros e os traballos teñen por obxecto actuar na mellora de diversos tramos da rede de augas municipal nos núcleos de Cervo, Lieiro, San Ciprián, e de xeito especial nos burgos de Castelo e Rueta. Segundo indicou o rexedor local, Alfonso Villares, as obras perseguen tres finalidades: “Por unha banda, renovaremos boa parte das canalizacións de abastecemento de augas nas zonas que presentaban maiores problemas de avarías polo paso do tempo, por outra optimizaremos a calidade do servizo en puntos onde a rede adoecía de deficiencias e finalmente aproveitaremos tamén para dotar deste servizo a zonas que ata o momento carecían del, coma é o caso dalgúns puntos de Castelo e Rueta” sinalou.
Alfonso Villares salientou o beneficio que suporá este investimento procedente da Xunta para os veciños do termino municipal e lembrou que a devandita actuación forma parte do programa de dotación e mellora de infraestruturas básicas que o Goberno local está a levar adiante no que se integran obras que xa se están en marcha coma as do abastecemento de auga compartida co concello de Burela, ou os saneamentos de San Ciprián e Cervo; así coma outras que comezarán pronto coma é o caso do saneamento da Senra. “Todas estas actuacións, unhas en marcha e outras próximas a iniciarse coma é o caso da que nos estamos a referir hoxe, suman uns investimentos das distintas administracións con competencias na materia de máis de 12,6 millóns de euros no noso concello en obras de mellora e ampliación das nosas infraestruturas básicas” indicou Villares.
Por último, o alcalde asegurou que o equipo de Goberno local continuará a traballar e colaborar coas distintas administracións “para poder conseguir dotar e modernizar as infraestruturas básicas do noso concello paso a paso, ata poder chegar a dotar a tódolos recunchos dos nosos núcleos de poboación este tipo de servizos”
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
