Ribadeo, 15 de xuño de 2020. Acisa Ribadeo pon dende hoxe en marcha unha nova campaña de promoción de Ribadeo, como o mellor destino de compras e de ocio. Ademais a asociación estrea unha nova imaxe corporativa.
Pensando en ti é o lema da nova campaña de promoción que Acisa Ribadeo inicia nesta xornada de luns para potenciar a imaxe de Ribadeo coma un destino excepcional de vacacións, ocio e compras.
O presidente da patronal ribadense, Francisco Iriarte, indicou que “co comezo da nova normalidade en Galicia e coa previsible apertura da fronteira con Asturias o luns que ven, pensamos que xa era o momento de reactivar a nosa labor potenciando a imaxe de Ribadeo, para recordarlle os nosos veciños e veciñas que seguimos estando aquí, pensando neles e esperándoos, cos mellores produtos e servizos, o mellor prezo e cumprindo con todas as medidas de seguridade e hixiene”. E engade “estas semanas de desescalada podemos dicir que nos serviron de adestramento para adaptarnos ás novas normas e hoxe todo o empresariado tanto de comercio como de hostalaría está a prestar os seus servizos de forma totalmente segura para os nosos clientes”.
Pola súa banda o xerente de Acisa Ribadeo, Jesús Pérez, explicou que “esta campaña comeza hoxe e aínda que terá maior intensidade nas primeiras semanas non rematará ata setembro. Estará presente en toda Galicia e Asturias utilizando diferentes medios e formatos. Queremos que o nome de Ribadeo soe e se vexa durante todo o verán en ambas comunidades”.
Iriarte subliñou que “a campaña pretende reforzar a imaxe turística da vila, dando conta de todo o que se pode facer en Ribadeo durante o verán como mercar, comer, cear, vir de vacacións, vir de ponte, vir de fin de semana …”.
Cambio de imaxe corporativa
Acisa Ribadeo ven de renovar a súa imaxe, con novos logotipos e imaxes corporativas. Pérez Prada sinalou que “se trata dunha renovación que levabamos tempo querendo facer, e tras este período de parón forzado cremos que podía ser o momento adecuado, a modo de reinicio coma se empezásemos de cero, dunha forma global. O novo logotipo, conserva a esencia do anterior, tanto a chave de Ribadeo, símbolo de Acisa dende os seus inicios, coma a bandeira de Galicia, pero dándolle un aspecto mais moderno. Tamén se sacou o nome do interior do logo, para facelo mais visible e deseñamos unha tipografía diferente, para deste xeito facer mais visible o nome de Ribadeo nas campañas que fagamos e que veciños e visitantes identifiquen mellor as nosas actividades coa nosa vila”.
O xerente de Acisa engade que “esta renovación da imaxe é o primeiro paso de toda unha serie de cambios que, se non hai novidade, se farán ao longo do ano, dentro dun proxecto integral de renovación e modernización de Acisa”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
