Lugo, 16 de xuño de 2020. A Consellería de Política Social oferta este ano 1514 prazas nunha trintena de campamentos de verán para rapaces e rapazas de entre 9 e 17 anos, ambos incluídos, que se celebrarán en sete instalacións da provincia de Lugo entre xullo e setembro.
A Consellería abre hoxe o prazo de solicitudes, que se prolongará durante sete días hábiles. A oferta completa, que no conxunto de Galicia ascende a 6872 prazas, pode consultarse no portal de xuventude da Xunta de Galicia.
O número de prazas nos campamentos é inferior ao de anos anteriores debido á limitación do aforo establecido polas autoridades sanitarias por mor da covid-19, pero amplíase a oferta con novas propostas, que se convocarán proximamente. Así, a residencia xuvenil LugI ofrecerá 180 prazas a disposición de entidades e grupos de mozos e mozas.
Ademais, en colaboración coa Consellería de Cultura e Turismo, poranse en marcha os minicampamentos “Coñece Galicia”, con estadías de cinco días de duración -de luns a venres- en establecementos turísticos; esta modalidade contará con 170 prazas en Lugo. Por último, como en anos anteriores, convocaranse tamén campos de voluntariado, que ofrecerán 60 prazas na provincia.
Propostas
Os campamentos de verán da provincia desenvolveranse en Viveiro, Ribadeo, Portomarín, Palas de Rei, Carballedo, Quiroga e Lugo. Están organizados en diferentes propostas, cada unha cunha programación diversa de actividades que se suceden en varias quendas.
A decisión de convocar este verán os campamentos foi consensuada co Comité Clínico, o cal ve viable a súa realización sempre que se garantan as medidas establecidas polas autoridades sanitarias. Neste sentido, vaise reducir o aforo nas instalacións para garantir a distancia interpersoal entre participantes e equipo técnico; reforzarase o persoal monitor, que estará previamente formado e traballará con grupos de ata 15 participantes, e incrementaranse as medidas hixiénico-sanitarias de carácter persoal e na propia instalación.
No que respecta ás propostas, a principal novidade é o campamento AYCH Tecnolóxico que terá lugar no Lug2 e contará con tres edicións. Estas instalacións tamén albergarán dúas quendas dun campamento artístico titulado “O musical”.
O albergue xuvenil de Area en Viveiro ofrece catro campamentos sobre o “Ambiente mariño e a náutica”. O albergue xuvenil Benigno Quiroga (Portomarín) acollerá cinco campamentos baixo o título “A miña primeira aventura”, para nenos e nenas de 9 anos. Na Devesa, en Ribadeo, haberá tres campamentos de “Multiaventura: Ambiente e mar”, outros tantos da “Acampada ao carón do mar” e un máis titulado “Endevésate co mar”.
O Campamento xuvenil Os Chacotes, de Palas de Rei, acolle dúas edicións do “Aventura-T” e outras tantas de “Multiaventura nos Chacotes”. En Carballedo e arredores desenvólvense catro campamentos do “Adventure Camp”, e no albergue municipal de Quiroga dúas de “Explora o Courel”.
Co obxectivo de que a inclusión social sexa unha realidade ao tempo que se favorece a interacción e a convivencia entre toda a mocidade, as mozas e mozos galegos con discapacidade, en función das limitacións que presenten, poderán decidir sobre a modalidade de participación á que desexan optar: polo procedemento xeral ou polo procedemento das prazas reservadas de inclusión.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
