Santiago de Compostela, 16 de xuño de 2020. O presidente do Goberno galego, Alberto Núñez Feijóo, trasladou hoxe aos traballadores de Alcoa San Cibrao a proposta da Xunta de destinar unha parte dos fondos europeos que a Comunidade recibirá para os plans de industrialización das empresas que desenvolven servizos esenciais, así como un préstamo participativo para completar a modernización da empresa e garantir a súa produción durante as próximas décadas.
Tras a reunión co comité de empresa, na que tamén estivo o conselleiro de Economía, Emprego e Industria, Feijóo apelou á vontade do Goberno central para que siga habendo unha fábrica de aluminio primario en España. “Temos unha oportunidade histórica: fondos europeos para loitar contra a crise da covid-19, que se poden destinar a esta factoría; e, ademais, con cargo aos seus presupostos, a Comunidade está disposta a poñer préstamos participativos para executar un plan industrial de modernización da compañía e garantir que poida seguir producindo”, abundou.
Para levar a cabo este obxectivo, o responsable do Executivo galego incidiu na necesidade de que, nos próximos días, se publique no BOE a convocatoria da poxa de interrompebilidade para o segundo semestre e para as empresas hiper-electrointensivas; de que se concreten as compensacións por emisións de CO2 ata o máximo permitido pola Unión Europea; así como coñecer o estatuto, que leva máis dun ano anunciado polo Goberno central, e que nel se concrete o prezo eléctrico competitivo para esta factoría, atendendo ás alegacións presentadas por Asturias, Cantabria e Galicia e polo comité de empresa.
Durante a rolda de prensa, Feijóo fixo fincapé en que o futuro de Alcoa, da Mariña e de milleiros de familias está en xogo. “Levamos moito tempo advertindo desta situación e só nos quedan semanas para intentar cambiar o futuro da Mariña. É hora de saber se o Goberno quere pechar Alcoa ou quere dar unha oportunidade a esta compañía”, aseverou.
Ao respecto, avanzou a solicitude da convocatoria dunha mesa multilateral, “na que a ministra responsable da política enerxética, a ministra de industria, o comité de Alcoa, a empresa e a Xunta de Galicia, nos sentemos de forma inmediata para pechar a poxa de interrompebilidade; para concretar as alegacións que presentamos á tarifa eléctrica; e para concretar, tamén, que parte de fondos europeos e que préstamos participativos, tanto do Goberno de España como da Administración autonómica, podemos poñer enriba da mesa para facer viable o futuro de Alcoa”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
