A Mariña, 20 de xuño, 2020. O Sindicato Labrego Galego apoia a manifestación do 22 de xuño en Burela en defensa do tecido económico e social da Mariña, que sairá ás 20:00 horas do hospital para rematar na praza do Concello. A nosa comarca leva anos sendo castigada co peche de empresas e cunha permanente sangría de postos de traballo no sector primario -agricultura, gandería e pesca- que non obtivo nunca o suficiente apoio e compromiso das diversas institucións públicas para freala. A maiores, a listaxe de empresas mariñás en crise ou que tiveron que pechar nos últimos tempos é longa: Alcoa, Ecar, Madeiras Lourenzo, Ecesa, Gres Burela, IPV, Macesa, Conservas Alonso, Mobles Hermida… Iso sen mencionar todo o tecido de pequenas empresas familiares rexentadas por traballadores e traballadoras autónomas que tamén se viron abocadas a pechar ou que o están pasando mal. As empresas viables con problemas deberían ser apoiadas sen fendas pola Xunta, a Deputación de Lugo e os concellos competentes; e aquelas cuxa viabilidade non sexa posible, deberíaselles ofrecer plans alternativos que garantan unha saída digna para os seus traballadores e traballadoras e as súas familias.
Ademais, tamén esiximos que o impacto ambiental herdado da actividade industrial, nomeadamente a balsa de lodos tóxicos de Alcoa en San Cibrao, sexa rexenerado pola propia empresa e restaurando o entorno ao seu estado orixinal de maneira que a vida e a actividade económica da comarca non fiquen hipotecadas a un eventual accidente ou rotura do dique que resultaría catastrófico e causaría danos permanentes e irreparables.
Somos unha bisbarra eminentemente rural, cun sector agrogandeiro moi potente que, segundo cos últimos datos do Instituto Galego de Estatística, correspondentes a 2009, mantén máis de 3.500 unidades de traballo agrario, riqueza que se multiplica se pensamos nas empresas auxiliares que dependen do campo.
Porén, a pesares da importancia vital para esta bisbarra dos sectores agrogandeiros, nos últimos anos asistimos a un recorte brutal de servizos públicos de todo tipo que nos afectan a todos e a todas: sanitarios, educativos, sociais, oficinas agrarias comarcais, veterinarios, etc. As persoas que vivimos no rural somos as que padecemos máis estes recortes, pois as escolas e centros médicos que se están a pechar ou recortar son precisamente os de ámbito rural. Neste senso, cómpre demandar a recuperación da área sanitaria da Mariña e unha ampla cobertura en especialidades como Pediatría ou en Atención Primaria que achegue estes servizos esenciais a toda a cidadanía, tamén á do rural.
Ademais, no rural carecemos de transporte público, a calidade das vías de comunicación deixan moito que desexar, por non falar das telecomunicacións. Por se non abondase, vivimos nunha das comarcas galegas máis afectadas pola forestación ilegal de terras agrarias a mans do monocultivo de eucalipto, o que atenta contra a continuidade e desenvolvemento das explotacións agrogandeiras en activo.
Porén, A Mariña é unha bisbarra privilexiada, por clima e calidade das terras, para o desenvolvemento de calquera actividade relacionada coa produción alimentaria. Mais, en vez de ver plans ambiciosos para incorporar xente nova ao agro e xerar postos de traballo nestes sectores, o que estamos a vivir é o peche permanente de granxas precisamente pola falta de apoios públicos e de perspectivas para vivir nun entorno rural en franca decadencia polo abandono institucional.
Por todo isto, porque cremos no futuro da Mariña, e porque estamos convencidos e convencidas de que o futuro da Mariña será rural e agrario ou non será, o Sindicato Labrego Galego estará o 22 de xuño nas rúas de Burela para apoiar a manifestación en defensa do futuro da Mariña.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
