Ribadeo, 1 de xullo, 2020. O voceiro do Grupo Municipal Popular e candidato do PPdeG ao Parlamento galego, Daniel Vega, destaca que están en marcha as obras de mellora no CEIP Gregorio Sanz de Ribadeo e asegura que seguirá “xestionando e traballando de cara á súa rehabilitación integral” na procura “das mellores instalacións para o colexio público ribadense”.
“As actuacións que se atopan agora en marcha no centro educativo financiadas cunha achega de 40.000 euros por parte do Goberno galego, forman parte do proxecto de rehabilitación integral do colexio público ribadense; pero foron atendidas de inmediato ao consideralas prioritarias”, explica.
Daniel Vega avanza que “seguiremos escoitando as propostas que trasladen tanto dende a dirección do centro como dende a ANPA, é dicir, tódolos pais e nais dos alumnos do CEIP Gregorio Sanz de Ribadeo”.
ACCESIBILIDADE E ACONDICIONAMENTO XERAL
“As obras que se están levando a cabo no colexio público ribadense consisten na instalación dun ascensor en substitución do actual montacargas que permitirá mellorar a accesibilidade do centro”. Esta actuación completarase coa mellora da canalización dos aseos da área de Educación Infantil e do teito do edificio.
Concretamente, o voceiro do PP ribadense sinala que “os traballos consisten na construción dun espazo para a instalación do ascensor”; pero tamén na renovación “da canalización dos aseos da zona de Educación Infantil de cara á eliminación de malos olores”. E, atendendo tamén ás filtracións que se producen no tellado do centro, as actuacións incluirán a súa reparación e a rehabilitación das zonas con humidades.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
