Lugo, 7 de xullo de 2020. O Presidente da Deputación de Lugo, José Tomé Roca, e o Secretario Xeral da Confederación de Empresarios de Lugo (CEL), Jaime López Vázquez, asinaron este martes na Sala de Xuntas do Pazo de San Marcos a renovación da colaboración económica que mantén a institucional provincial con esta entidade, que supón unha achega de 60.000 euros para este ano 2020. A través deste convenio, a Deputación colabora cos gastos xerais de funcionamento, así como de persoal desta entidade. O Deputado de Promoción Económica e Social, Pablo Rivera Capón tamén asistiu a esta firma.
José Tomé puxo en valor esta colaboración da institución provincial coa CEL como exemplo de cooperación co tecido produtivo da provincia e sinalou que esta “ten que ser unha liña de traballo fundamental para as administracións públicas. Especialmente neste momento en que é preciso que todos cooperemos dende as nosas respectivas responsabilidades para conseguir reactivar canto antes a actividade económica e superar do mellor modo posible un panorama complexo”.
O Presidente lembrou que durante o Estado de Alarma, Deputación e CEL mantiveron un contacto frecuente, “que garantiu a continuidade do intercambio de posturas sobre a evolución da crise e que, en certa medida, reforzou aínda máis a aposta pola colaboración entre ambas institucións”.
José Tomé destacou que ante os “grandes retos que temos por diante”, a CEL “vai a seguir sendo un axente socioeconómico de importancia capital para a nosa provincia. A súa aposta polo traballo común, a colaboración, a defensa dos intereses da provincia e o respaldo ós empresarios que crean emprego e desenvolvemento, son algunhas das ferramentas que necesitamos hoxe aínda máis. É xusto recoñecer o traballo dos empresarios e empresarias comprometidos coa nosa provincia, comprometido cos postos de traballo. O compromiso dos empresarios que apostan polo I+D, polo impulso do sector agrogandeiro, polo comercio, a hostalería, o turismo ou a industria”.
Neste senso, asegurou que a crise “que estamos a vivir en torno á ameaza do peche de Alcoa, é tamén, a diferencia entre un modelo empresarial de desenvolvemento, produtivo, pegado ó territorio e á súa xente, e un modelo de capitalismo multinacional que se rexe só por intereses financeiros e xeopolíticos. Que busca as subvencións públicas e xoga co mercado para alterar prezos e demandas. Que marcha de súpeto, sen dar explicacións, sen buscar solucións de futuro ou sen respectar ós traballadores e ás súas familias”.
Dende a Deputación de Lugo, o Presidente asegurou que, “aproveitando todas as posibilidades de colaboración público-privada, seguiremos abertos a apoiar o traballo da CEL, que é un bo espello do compromiso dos empresarios lucenses coa súa provincia”.
Pola súa banda, o Secretario Xeral da Confederación de Empresarios de Lugo, Jaime López agradeceu o compromiso da Deputación con todos os empresarios e empresarias da provincia e destacou que “se non fose por este apoio decidido da Deputación de Lugo á Confederación de Empresarios de Lugo, non poderíamos estar na primeira liña, atendendo as empresas da provincia de Lugo no momento peor da crise daCOVID-19. Grazas á institución provincial puidemos estar aí asesorando ás empresas e facendo un análise profundo de toda a lexislación que saíu neses momentos”.
En canto á situación de Alcoa, Jaime López avanzou que “a CEL leva avisando xa, desde fai moito tempo, da situación desta empresa. As decisións de Alcoa non teñen que ser tapadas para nada cas decisións do Goberno Central ou do Goberno que teña materia e competencia, neste caso. A empresa está tomando decisións ao marxe de todo, aproveitándose de toda axuda que se lle deu durante moitos anos, isto non vén de fai tres días nin do goberno de Pedro Sánchez, vén de moito tempo atrás e vimos avisando desta situación, de que Alcoa estaba xogando cos intereses desta provincia”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
