Burela, 14 de xullo de 2020. Esta mañá procedeuse ao izado das bandeiras azuis nas praias de Ril, A Marosa e O Portelo. Ademais Ril adheriuse á rede galega de Praias sen Fume. Trátase da primeira vez que un areal do concello forma parte desta iniciativa. Ao acto desta mañá asistiron o alcalde, Alfredo Llano, xunto aos concelleiros de Medio Ambiente, Turismo, Servizos Socias e Inmigración, Toñi Eijo, Ramiro Fernández Rey, Carmela López e Noelia María Ben.
A concelleira de Medio Ambiente, Toñi Eijo, explicou que “esta mañá procedemos ao izado das bandeiras azuis nas praias de Ril, A Marosa e O Portelo, que son nas que conseguimos a bandeira azul. Este galardón é un premio, un selo de calidade, que se outorga ás praias que reúnen certos criterios de excelencia, seguridade e calidade. Xa levamos moitos anos recibindo estes distintivos, o que indica que cumprimos cos criterios que bandeira azul considera oportunos sobre todo no que respecta á calidade da auga e á seguridade dos bañistas”.
A edil burelesa subliñou que “ademais tamén aproveitamos a ocasión para izar a bandeira de Praia sen Fume en Ril. Esta é a primeira vez que algunha praia de Burela se adhire á rede galega de Praias sen Fume. Esta adhesión non ten un fin recadatorio senón educativo, de promoción da saúde e de protección do medio ambiente sendo o seu cumprimento voluntario”.
Toñi Eijo dixo que “os obxectivos de Praias sen Fume son promocionar unha vida sen tabaco, desnormalizar o consumo do tabaco na sociedade, reforzar o papel modélico positivo dos país e nais, formar unha rede galega de praias libres de tabaco e promover praias que respecten e coiden o medio ambiente. Aquelas persoas que prefiran estar nun areal no que non haxa fume de tabaco, a praia ideal para iso en Burela sería a de Ril”.
A concelleira de Medio Ambiente engadiu que “este ano o Concello de Burela fixo un esforzo por informar a todos os usuarios das praias de como hai que usalas debido á situación que estamos vivindo co Covid-19. Puxemos carteis nas praias e pegatinas nas explicando cales son as medidas. Ímolos cambiando segundo van variando as normas que son aplicables en cada momento. Apelamos ao sentido común dos nosos veciños e das nosas veciñas para cumprir as normas con obxectivo de garantir a súa seguridade e a súa saúde”.
O alcalde de Burela, Alfredo Llano, pola súa banda manifestou que “queremos dar unha esperanza e un motivo de alegría, e que se desfrute do que temos, aínda que non nos podamos mover para outros concellos, pero si temos no noso moito que compartir e moito co que desfrutar. Hoxe izamos as bandeiras azuis nas praias de A Marosa, de Ril e de O Portelo e estas bandeiras dan unha confianza de que temos un bo servizo e unhas augas excelentes. Animamos pois á xente a que vaia e desfrute dos areais, desde logo de acordo cos protocolos de prevención do Covid. Penso que estamos no momento e hai que facelo, que nos vai ir a todos moito mellor, que nos dea optimismo para afrontar o futuro, e creo que entre todos, compartindo ese futuro, vai ser moito máis doado”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
