2 de xullo de 2020, Feijoo declara: “No tenemos un problema generalizado en A Mariña, sino en dos o tres bares que hemos cerrado, con los camareros casi todos infectados”. O presidente da Xunta de Galicia minimiza un problema sanitario e traslada a orixe do foco – que non se puido concretar – ao sector da hostalería, que queda marcado. Tres días despois destas declaracións, o domingo día 5, a Xunta decreta a limitación de movementos na Mariña. Nese momento aparecen no concello de Foz -e en outros moitos da comarca – multitude de medios, entre eles equipos de televisión estatais, e a nova abre telexornais e programas en toda España: o dano mediático está feito.
Os alcaldes implorámoslle ao conselleiro de Sanidade en repetidas ocasións que a Xunta non eludira as súas responsabilidades nos concellos, como marcaba o DOG; que nos remitiran os datos de contaxios diarios por municipio -cuestión que finalmente conseguimos-; transparencia con todos os informes -os cales seguimos agardando-; que se garantira o dereito de todos os votantes para acudir ás urnas en condicións de seguridade e que a Xunta tomara o control da situación.
Todos os membros dunha corporación municipal temos unha responsabilidade. En Foz, nun inicio do verán durísimo para o turismo, o portavoz local do Partido Popular quere reescribir os feitos e difamar a un goberno municipal que estivo á fronte no peor contexto posible. Non pido recoñecemento pola difícil organización dos locais electorais -que fixeron traballadores municipais-, nin pola labor de comunicación permanente do Concello, nin sequera polas múltiples reunións e busca de solucións para un sector fundamental como é a nosa hostalería e pequeno comercio. Pido simplemente respecto. E que non se utilicen malas artes e obras subterráneas para asediar a un sector que o está a pasar realmente mal. É o momento de expoñer a veciños e visitantes a profesionalidade dos nosos establecementos e como podemos desfrutar de Foz con responsabilidade pero sen medo. É o momento de reclamar a todas as administracións que apoien e invistan na comarca. Creo humildemente que a oposición debería cambiar a súa actitude e reorientar a estratexia cavernaria de confrontación, non todo vale: Foz e a súa imaxe constrúense entre todos.
Fran Cajoto (alcalde de Foz)
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
