Santiago, 31 de xullo de 2020. O portavoz do Grupo Popular, Pedro Puy, afirmou hoxe que as decisións adoptadas polo Goberno galego respecto do brote da Covid-19 en A Mariña “foron acertadas”, porque “hai responsabilidade, capacidade de resposta, asesoramento por expertos coñecidos e moita transparencia”. Respecto do inicio do vindeiro curso escolar, Puy fixo unha “chamada á responsabilidade” de toda a comunidade educativa e trasladou unha “mensaxe de tranquilidade” para levar adiante “unha actuación coordenada, conxunta e responsable para minimizar os efectos da crise do coronavirus na educación galega”.
Pedro Puy comezou a súa intervención facendo unha defensa das institucións públicas e sinalou que o recente proceso electoral vivido en Galicia “foi unha boa forma de demostrar que nesta nova normalidade, do mesmo xeito que a xente pode ir traballar e os estudantes ás escolas, os cidadáns poden ir votar”. “O país fixo un gran favor a aqueles que defendemos a democracia indo a votar”, subliñou.
Respecto do brote da Covid-19 que afecta á comarca lucense de A Mariña, o portavoz popular criticou “o intento de instrumentalizar politicamente un problema sanitario” por parte da oposición, “nun momento no que esta Deputación Permanente xa non é representativa da vontade popular expresada nas eleccións galegas celebradas hai dúas semanas”.
PRIMEIRA VEZ NA HISTORIA DO PARLAMENTO
“É a primeira vez na historia do Parlamento galego que despois dunhas eleccións autonómicas e antes de que se constitúa a nova Cámara de representantes de Galicia se celebra unha sesión da Deputación Permanente para pedir a comparecencia do Goberno galego”, asegurou o portavoz popular, quen engadiu que esta situación “representa un indicio de que xa non falamos de 100 días de tregua, senón de menos 31 días sen tregua ata que o novo Goberno galego se poña en marcha”.
Puy manifestou que “a situación de Galicia é mellor que a media do conxunto de España” e lembrou que a día de hoxe hai 288 casos activos logo de realizar máis de 250.000 PCR. Ademais, apuntou que a incidencia acumulada en Galicia de casos diagnosticados por cada 100.000 habitantes nos últimos 14 días é do 6,85, fronte a unha media estatal do 51,11; ao que se engade unha taxa de letalidade das máis baixas de España.
Respecto das medidas adoptadas para o inicio do vindeiro curso escolar, o portavoz popular considerou “excesivo pedir unha comparecencia dunha conselleira que está en funcións e nunha Deputación Permanente que xa non representa aos novos deputados elixidos polos galegos”.
COMPROMISO PARA O INICIO DO CURSO ESCOLAR
Neste sentido, considerou “importante” o inicio do curso escolar, polo que demandou “compromiso por parte dos alumnos e alumnas, dos profesores e profesoras, e os seus representantes sindicais; das asociacións de nais e pais; e da administración educativa, que non dimite das súas responsabilidades”.
Pedro Puy explicou que o protocolo de adaptación ao contexto da Covid-19 nos centros educativos é un marco común que cada colexio pode adaptar á súa propia realidade, en función das súas necesidades e particularidades. Entre as medidas que incorpora figuran o establecemento de grupos de convivencia estable; manter unha distancia interpersoal de 1,5 metros en xeral, agás nas aulas de ESO, bacharelato e FP onde o alumnado poderá permanecer sen máscara cun metro de distancia entre eles e sentados na mesma orientación; o uso obrigatorio de máscaras fóra das aulas; a obriga da limpeza de mans á entrada do centro; e a realización de test serolóxicos de dobre banda a todo o persoal dos centros educativos.
Este protocolo está baseado no aprobado polo Ministerio sobre a base do acordado na Conferencia Sectorial celebrada en xullo e recolle as consideracións realizadas polo Organización Mundial da Saúde.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
