Ribadeo, 14 de agosto de 2020. En setembro está previsto que dea comezo un novo obradoiro de emprego destinado a persoas mozas dos concellos de Barreiros e de Ribadeo. Este mediodía tivo lugar un encontro de traballo entre o concelleiro de Turismo, Desenvolvemento Local e Comercio, Pablo Vizoso, e a alcaldesa de Barreiros, Ana Ermida.
O edil ribadense explicou que “hoxe reunímonos para ultimar os preparativos do obradoiro de emprego Vencellos da Memoria, a través do cal se ten previsto crear 16 postos de traballo para mozos e mozas de Ribadeo e Barreiros durante un ano”.
Vizoso Galdo dixo que “este obradoiro de emprego, que ten previsto comezar a mediados de setembro conta cun orzamento próximo aos 370.000 euros. Está cofinanciado pola Consellería de Industria e Emprego da Xunta e polo Fondo Social Europeo para o período 2014-2020, nunha porcentaxe de máis do 90%”.
PabloVizoso e Ana Ermida destacaron “a importancia deste obradoiro neste momento nos que a crise da Covi-19 está mermando as capacidades económicas e laborais das persoas así como a negativa repercusión no mercado laboral e o aumento do desemprego e que está afectar de forma significativa as persoas máis novas”.
O concelleiro de Desenvolvemento Local dixo que “o programa de emprego denominado Vencellos da Memoria dará emprego durante un ano a 16 alumnos/as traballadores/as, persoas mozas no Sistema Nacional de Garantía Xuvenil e distribuídas nas especialidades formativas de Produción Fotográfica e Operacións de Gravación e Tratamento de Datos e Documentos. O traballo e as actividades que se desenvolverán dentro deste obradoiro serán a organización e dixitalización de parte da documentación dos arquivos dos Concellos de Barreiros e de Ribadeo”.
O edil nacionalista engadiu que “as persoas que desexen participar na selección como alumnado deberán apuntarse na oficina do Servizo Público de Emprego de Ribadeo, ademais nos próximos días serán publicadas as bases de participación nas respectivas sedes electrónica dos Concellos, onde se concretarán as características dos diferentes procesos de selección”.
En setembro está previsto que dea comezo un novo obradoiro de emprego destinado a persoas mozas dos concellos de Barreiros e Ribadeo
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
