A MARIÑA (FNC) .- O concelleiro de Medio Ambiente de Ribadeo, Horacio Cupeiro, e as concelleiras de Medio Ambiente de Burela, Lucía Bouza, e de Viveiro, María Loureiro, foron a Madrid para recoller o Premio Bandeira Verde co que foi distinguido cada un dos citados concellos.
Burela é o único Concello de Galicia premiado nas cinco modalidades da Bandeira Verde, algo polo que se amosa moi satisfeita a concelleira de medio ambiente.
Horacio Cupeiro agradece a veciños e traballadores de Medio Ambiente o esforzo realizado para conseguir a Bandeira Verde da que só disfrutan 74 concellos en todo o Estado.
A bandeira verde é un galardón que entrega a Federación de Usuarios e Consumidores Independentes aos municipios en recoñecemento á súa labor medio ambiental.
Notas de Prensa dos concellos de Burela e Ribadeo
—– Burela
BURELA É O ÚNICO CONCELLO DE GALICIA PREMIADO NAS CINCO MODALIDADES DA BANDEIRA VERDE, ALGO POLO QUE SE AMOSA MOI SATISFEITA A CONCELLEIRA DE MEDIO AMBIENTE.
Madrid, 7 de maio de 2010. Burela é o único Concello de Galicia premiado nas cinco modalidades da bandeira verde, que hoxe recollía en Madrid a concelleira de Medio Ambiente, Lucía Bouza.
A edil socialista suliñou que “é a primeira vez que conseguimos as cinco estrelas da bandeira verde e ademáis somos o único Concello galego en logralas, polo que estamos dobremente satisfeitos e animados en Burela para seguir traballando no cuidado do noso medio ambiente e renovando ano tras ano este galardón da FUCI”.
Bouza recoñeceu “o traballo realizado ao longo do ano polos traballadores do departamento de Medio Ambiente, limpeza viaria, xardinería, etc… xa que sen o seu esforzo esto non sería posible”.
—– Ribadeo
HORACIO CUPEIRO AGRADECE A VECIÑOS E TRABALLADORES DE MEDIO AMBIENTE O ESFORZO REALIZADO PARA CONSEGUIR A BANDEIRA VERDE DA QUE SÓ DISFRUTAN 74 CONCELLOS EN TODO O ESTADO.
Madrid, 7 de maio de 2010. O concelleiro de Medio Ambiente, Horacio Cupeiro, recolleu hoxe en Madrid a bandeira verde que lle concedeu un ano máis a Federación de Usuarios e Consumidores Independentes (FUCI).
O edil nacionalista amóuse satisfeito por este recoñecemento e sinalou que “hoxe que recollemos tres das cinco modalidades da bandeira verde quero felicitar aos veciños, aos traballadores de Medio Ambiente e ao axente de Sostibilidade polo esforzo prestado para conseguir este galardón do que só poden disfrutar tan só 74 concellos. Agradecer á FUCI o esforzo de convocarnos na participación de loitar polo medio ambiente sostible e polo consumo responsable”.
Cupeiro dixo que a bandeira verde “comprométenos ainda máis para seguir loitando de forma digna por defender que nos concellos os cidadáns disfruten dunha boa calidade de vida”. O responsable de Medio Ambiente tamén tivo palabras de felicitación “aos once concellos galegos que lograron esta distinción e concretamente ao de Burela por conseguir as cinco estrelas do premio”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
